Aýa raıy
Astana -19 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Dıego Maradona ólimine dárigerlerdiń salǵyrttyǵy sebep bolýy múmkin

2020 jyldyń 28 qarasha 2020 16:26

BÝENOS-AIRES. Telam – QazAqparat – Argentınada jaqynda kóz jumǵan fýtbol ańyzy Dıego Maradonanyń ólimine qatysty tergeý bastaldy, dep habarlaıdy QazAqparat Telam agenttigine silteme jasap.

Argentınalyq agenttiktiń málimetine sáıkes, qaıtys bolǵan fýtbolshy, Argentına quramasynyń jattyqtyrýshysyna qatysty tergeý boıynsha onyń jaǵdaıyn baqylaý úshin arnaıy jaldanǵan medıtsınalyq qyzmetkerler nemquraılylyqqa jol bergen dep kúdikke ilinip otyr.




Medbıkeniń biri Maradonaǵa júregi toqtaǵan kúni tańerteń qajetti dárisin bermegen.

Sonymen qatar, Telam agenttigi alǵan qoljazba medıtsınalyq esebine sáıkes, medbıke burynǵy fýtbolshyny tipti oıatpaǵan. Ol úıge psıholog pen psıhıatr kelgen sátti kútken (olar esepte aıtylǵandaı, tańerteńgi saǵat 11-de kelgen), sodan keıin ǵana naýqastyń janyna barǵan. Dál sol kezde naýqastyń ımpýlsi joq ekendigi anyqtalǵan.




Sonymen qatar, Maradonanyń advokaty Matıas Morla dárigerler burynǵy fýtbolshyǵa 30 mınýttan astam ýaqytta jetti dep málimdeıdi.

Alynǵan tergeý jazbalaryna sáıkes, Maradonaǵa jedel járdemniń kelý ýaqyty 11 mınýtty quraǵan. Twitter-degi resmı akkaýntynda Morla jedel járdemniń keshigýin «qylmystyq aqymaqtyq» dep atady.

Eske sala keteıik, 25 qarashada Dıego Maradona 60 jasynda dúnıeden ótti. Ol Býenos-Aıres mańynda jerlendi.


Basty sózder: Oqıǵa, Álem, Sport,
Joǵary qaraı