Aýa raıy
Astana -13 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Dıego Maradonamen qoshtasý: Argentınada úsh kúndik aza tutý jarııalandy

2020 jyldyń 26 qarasha 2020 20:06

BÝENOS-AIRES. TELAM – QazAqparat – Fýtbol ańyzyna aınalǵan Dıego Maradonanyń qaıtys bolýyna baılanysty Argentınada úsh kúndik aza tutý jarııalandy, dep habarlaıdy QazAqparat Telam-ǵa silteme jasap.

Aty ańyzǵa aınalǵan argentınalyq fýtbolshy keshe 61 jasqa qaraǵan shaǵynda júrek talmasynan qaıtys boldy. Aıta ketý kerek, birneshe kún buryn ol sýbdýraldy gematoma operatsııasyn sátti ótkerip, aýrýhanadan shyǵarylǵan edi.

Maradonamen qoshtasý rásimi Argentına Prezıdentiniń resmı rezıdentsııasynda ótýde. Burynǵy áıeli Klaýdııa Vılıafane, qyzdary Dalma men Djannına jáne jaqyndary sportshymen qoshtasty.

Býenos-Aıresta álemdik fýtbol juldyzynyń kóptegen jankúıerleri jınaldy. Jalpy alǵanda, Maradonamen qoshtasýǵa mıllıonnan astam adam qatysady delinedi. Fýtbolshyny jerleý búgin Býenos-Aırestiń syrt jaǵynda ótedi.

Eske salsaq, qazaqstandyq «Nık Výıchıch» Álı Turǵanbekov Dıego Maradonamen kezdesken sátin eske alyp, sportshy týraly esteligimen bólisti.

2018 jyly oqýshy Álı Turǵanbekov aty ańyzǵa aınalǵan fýtbolshy Dıego Armando Maradonamen kezdesip, onyń ıyǵyna shapan japqan bolatyn.


Basty sózder: Álem, Sport,
Joǵary qaraı