Aýa raıy
Astana 18 °S
Almaty 19 °S
valıýta baǵamy
USD 412.55
EUR 465.73
RUB 5.79
CNY 58.91

Dımash «Azııadaǵy eń kelbetti adam – 2019» reıtınginde úzdik ondyqqa endi

2019 jyldyń 12 qarasha 2019 11:33

NUR-SULTAN. QazAqparat – Dımash Qudaıbergen jankúıerlerin taǵy bir jetistigimen qýantty. Ol keshe «Azııadaǵy eń kelbetti adam – 2019» reıtıngisinde 8-oryn aldy, dep habarlaıdy QazAqparat Facebooktegi TC Candler paraqshasyna silteme jasap.

Bıyl tamyz aıynyń sońynda táýelsiz sarapshylar TC Candler halyqaralyq konkýrsynda qazaqstandyq Dımash Qudaıbergendi «Azııadaǵy eń kelbetti adam» atalymyna usyndy.

TC Candler Azııanyń eń tartymdy, eń kelbetti 100 tulǵasy engen jyl saıynǵy tizimin jarııalady. Qazaqstandyq ánshi Dımash bul retıngte segizinshi orynǵa taban tiredi.

Paraqshada jas ánshiniń bet-beınesi tartymdy, ári daýysy keremet ekeni jazylǵan.

«Álemniń barlyq turǵyny, ulttar men ulystar ony erekshe jaqsy kóredi» dep jazǵan TC Candler.

Dımash Qudaıbergen ótken jyly jer betindegi eń symbatty 10 er adamnyń qataryna kirgenin aıta ketý kerek. Ol joly Dımashty qoldaý úshin ol týraly jazbaǵa lúpil basyp, fotosýretiniń astyna pikir jazý kerek bolǵan.

Jankúıerler qoıylǵan talapty buljytpaı oryndap, nátıjesinde Dımash úzdikterdiń qataryna endi. Al onyń keıbir jankúıeri qazaqstandyq ánshi birinshi orynda bolýy kerek dep sanaıdy.

Olar ánshi týraly «Dımash Jer planetasyndaǵy eń kelbetti jigit», «Basqa qatysýshylardyń bet-júzi árlengen, al Dımash boıaýsyz-aq symbatty. Ol birinshi orynǵa laıyq» degen syndy pikirler jazǵan.

Joǵary qaraı

Warning: file_put_contents(): Only 0 of 15740 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920

Warning: file_put_contents(): Only 0 of 5633 bytes written, possibly out of free disk space in /home/admin/web/lenta.inform.kz/public_html/system/classes/Kohana/Core.php on line 920