Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Dımash Qudaıbergen «Vıktorııa» mýzyka baıqaýynyń fınalyna shyqty

2020 jyldyń 29 qarasha 2020 01:16

MÁSKEÝ. QazAqparat - 3 jeltoqsanda Reseıdiń «Vıktorııa» ulttyq mýzyka syılyǵy tapsyrylady. Ánshi Dımash Qudaıbergen baıqaýdyń «Úzdik pop ánshi» atalymynda Your love ánimen usynylǵan, dep habarlaıdy QazAqparat baıqaýdyń saıtyna silteme jasap.

«Vıktorııa» syılyǵyn tapsyrý rásimi Kreml saraıynda ótedi. Bıylǵy baıqaýda kórermen bolmaıdy. Alaıda kontserttiń televızııa nusqasy 18 qańtarda «Rossııa-1» telearnasy kórsetedi.

«Vıktorııa» syılyǵyn aqyn, metsenat Mıhaıl Gýtserıev, kompozıtor, prodıýser Igor Krýtoı, jazýshy, medıa-menedjer ıÝrıı Kostınder uıymdastyrǵan.

Fınalǵa shyqqandar «Úzdik jyl áni», «Úzdik pop ánshi», «Úzdik hıp-hop oryndaýshy», «Úzdik rok-grýppa nemes rok ánshi», «Jyl kompozıtory», «Jyl aqyny» sekildi 14 nomınatsııada baq synaıdy. Onda qazirgi zamanaýı mýzykanyń barlyq baǵyty qamtylǵan.

2020 jyly ártisterdiń kóbi onlaın kontsert qoıýǵa májbúr boldy. Sondyqtan uıymdastyrý komıteti «Jyldyń onlaın kontserti» degen atalym ashty.

Baıqaý sahnasyna Niletto, Fılıpp Kırkorov pen Dava, Polına Gagarına, Artik&Asti, «Vıktorııa-2019» syılyǵynyń ıegerleri Dımash Qudaıbergen men Zivert; Nıkolaı Baskov, Artem Kacher, Polina jáne bıyl ánderi Reseıde hıtke aınalǵan ónerpazdar bar.

Eske sala ketsek, Dımash Qudaıbergen bıylǵy Junior Eurovision baıqaýynda Qazaqstan namysyn qorǵaıtyn 12 jasar ánshi Qaraqat Bashanovamen kezdesti.

Halyqaralyq án saıysy 29 qarasha, senbi kúni Varshavada ótedi. Jas ónerpazben álemge áıgili ánshi 2019 jyldan beri tanys. Ol kezde Dımashtyń týǵan qalasy Aqtóbede Baqytty Bala baıqaýy ótip, Qaraqat úshinshi oryn ıelengen bolatyn.

Aıta keterligi, Qaraqat - Junior Eurovision baıqaýyna Qazaqstan atynan qatysyp otyrǵan úshinshi ónerpaz. Buǵan deıin Danelııa Tóleshova (2018 jyly) baq synap, altynshy orynǵa ıe boldy. Ótken jyly bul konkýrstyń ekinshi ornyn Erjan Maksım jeńip aldy.


Joǵary qaraı