Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dımash Qudaıbergen japondyq telebaǵdarlamaǵa qatysty

2021 jyldyń 13 qarasha 2021 01:35

TOKIO. QazAqparat – 11 qarasha kúni «NHK Music Special» japondyq telebaǵdarlamasynda «Autumn Strong» («Don’t Go») áıgili kompozıtsııasynyń avtory Kodjı Tamakıge arnalǵan shyǵarylym ótti. Oǵan qazaqtandyq ánshi Dımash Qudaıbergen de qatysty, dep habarlaıdy QazAqparat dimashnews.com saıtyna silteme jasap.

«NHK Music Special» baǵdarlamasynyń bul kúngi shyǵarylymy rasymen de erekshe boldy. Sebebi qonaqqa Japonııanyń tanymal ánshisi Kodjı Tamakı shaqyryldy. Mýzykant qoǵam arasyna kópten shyqpaı, ıntervıý de bermeı kelgen. Japondyq kórermen bul shyǵarylymdy taǵatsyzdana tosty.

Baǵdarlamanyń arnaıy shaqyrylǵan qonaqtary Djekı Chýn men Dımash Qudaıbergen boldy. Qos ánshi de Kodjı Tamakıdiń áıgili «Autumn Strong» («Don’t Go») ánin qytaı tilinde oryndaǵan.

Gonkongtyq ánshi Djekı Chýn atalmysh kompozıtsııany qytaı tilinde alǵashqy bolyp shyrqady jáne qytaılyq tyńdarman ony úlken qoshemetpen qabyldady.

Keıinnen Djekı Chýnniń oryndaýynan shabyt alǵan Dımash Qudaıbergen bul ándi 2017 jyly Qytaıda «I am Singer» baıqaýy kezinde oryndady. Sodan beri kompozıtsııa tek Azııa elderinde ǵana emes, sondaı-aq Reseıde jáne Eýropa elderinde tanymal.

«Men Kodjı Tamakıdi ánshi retinde óte syılaımyn. «Don’t Go»-dy tyńdaǵan kezde japon júreginiń tereńdigi, Japonııanyń joǵary mádenıetiniń baılyǵy seziledi. Kodjı Tamakıdiń shyǵarmashylyǵy eshqashan eskirmeıdi jáne áli de jas oryndaýshylarǵa úlken áserin tıgizip keledi. Biregeı shyǵarmashylyǵyńyzdy budan ári de damytyp, tyńdarmandaryńyzdy qýanta beresiz degen úmittemin», - dedi Dımash Qudaıbergen.

Óz kezeginde K.Tamakı qazaqstandyq ánshimen kezdeskenine qýanyshyn bildirdi.

«Dımashtan jyly lebiz estigenime qýanyshtymyn. «Don’t Go»-dyń túrli nusqasy bar. Jáne qaı kezde bolmasyn, bul kompozııany oryndaǵan ánshi, óz jasyna qaramastan, onyń tereńdigin jetkize bildi», - dedi japondyq ánshi.

Aıta keteıik, «NHK Music Special» – ár aı saıyn belgili oryndaýshylar men mýzykanttar shaqyrylatyn tanymal baǵdarlama. Oǵan D.Qudaıbergen qonaq retinde shaqyrylǵanyn buǵan deıin jazǵan bolatynbyz.


Joǵary qaraı