Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Dımashtyń onlaın kontsertin 100 eldegi jankúıerler tamashalady

2021 jyldyń 17 qańtar 2021 10:38

NUR-SULTAN. QazAqparat - Esimi búkil álemge tanymal qazaq ánshisi Dımash Qudaıbergen TIXR amerıkalyq strımıng-platformasynda onlaın kontsert berdi, dep habarlaıdy QazAqparat tilshisi.

DIMASH DIGITAL SHOW - Dımashtyń koronavırýs pandemııasy bastalǵan sátten bergi alǵashqy jahandyq óner kórsetýi boldy. Atalǵan kontsertke daıyndyq júrip jatqany týraly ótken jyldyń jeltoqsan aıynyń basynda aıtyldy. Bul jaıynda ánshiniń ózi de áleýmettik jelide jıi jazyp, súıikti juldyzdarynyń ónerin saǵynǵan jankúıerler de únemi málimettermen bólisip otyrdy.














Kórsetilim aqyly boldy. Bılet satýdan túsken qarajattyń bir bóligin uıymdastyrýshylar qaıyrylymdylyqqa bermek.

«Dears, sizderge kontsert unady dep úmittenemin! Jeke ózim jáne meniń tobym sizderdiń alǵan áserlerińizdi bilýge daıyn!», - dep jazdy Dımash Qudaıbergen Instagram-paraqshasynda.



Dımashtyń Eýrazııalyq fanklýby usynǵan aqparatqa sáıkes, ánshi 19 kompozıtsııadan turatyn baǵdarlama usyndy. Oǵan «Olimpico», «Give me your love», «S.O.S», «War and Peace», «Lıýbov ýstavshıh lebedeı», «Mahabbat ber maǵan», «Qaraǵym-aı», «Qaıran Elim», «Screaming» syndy ánder bar.

Sonymen qatar ol «Ómir óter» (R.Ǵaısın / T.Arynǵalı), «Kıeli meken» (E.Qudaıbergen / Q.Aıtbaev), «Be with me» (D.Qudaıbergen / D.Arakelıan, D.Shamýratov) syndy jańa ánderdi de tyńdarman nazaryna usyndy.

Dimashnews.com portalynyń jazýynsha, qazaq ánshisi 6 tilde, atap aıtqanda qazaq, ıtalıan, frantsýz, qytaı, aǵylshyn jáne orys tilderinde án saldy.

Onlaın formatta ótken kontsert ánshiniń búkil álemdegi jankúıerlerine úıde otyryp-aq onyń ónerin tamashalaýǵa múmkindik berdi. DIMASH DIGITAL SHOW kontsertin álemniń 100-den astam elindegi jankúıer kórdi.















«Meniń alǵashqy onlaın kontsertimdi tamashalap, qoldaý kórsetken barlyǵyńyzǵa úlken alǵysymdy bildiremin. Pandemııa bizderdi uzaq ýaqyt ajyratqany óte ókinishti. Sondyqtan da búgin sizderdiń aldaryńyzǵa óner kórsetetindigime qýanyshtymyn. Sizderdi kórmesem de jan júregimmen maǵan únemi shabyt beretin, jańa bıikterdi baǵyndyrýǵa qulshyndyratyn qoldaýlaryńyz ben energetıkalaryńyzdy sezindim. Sizder búgingi shoýdan tolyqqandy lázzat aldyńyzdar dep oılaımyn. Taıaý arada sizdermen kezdesetindigime senimdimin», - dedi kontsert barysynda Dımash.









Foto: dimashnews.com
Joǵary qaraı