Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Dızel otyny naryǵyndaǵy bólshek saýdada 12 tergeý júrgizilýde - Serik Jumanǵarın

2022 jyldyń 18 qańtar 2022 11:18

NUR-SULTAN. QazAqparat – Kún saıyn suıytylǵan munaı gazynyń ótkizý baǵalaryna monıtorıng júrgiziledi. Bul týraly Úkimet otyrysynda Básekelestikti qorǵaý jáne damytý agenttiginiń tóraǵasy Serik Jumanǵarın aıtty, dep habarlaıdy QazAqparat tilshisi.

«Dızel otyny naryǵynda bólshek saýda sýbektilerine qatysty 12 tergeý júrgizilýde (onyń ishinde 4 iri kompanııa – «Gelıos» JShS, «Sinooil» JShS, «Gazpromneft-Qazaqstan» JShS, «PetroRetail» JShS)

Memleket basshysynyń 2022 jylǵy 5 qańtardaǵy «Áleýmettik-ekonomıkalyq jaǵdaıdy turaqtandyrý jónindegi sharalar týraly» tapsyrmasyna sáıkes, 180 kúnge ýaqytsha negizde shekti baǵalar belgilendi. Energetıka mınıstrligi munaı ónimderin bólshek saýdada ótkizýge, Agenttik suıytylǵan munaı gazyna (avtogazǵa) ákimshilik birlikterdiń qashyqtyǵyn eskere otyryp: batysta – 50 teńge, ońtústikte - 60 teńge, soltústik-shyǵysta - 60-70 teńge ornatty. Agenttik kún saıyn suıytylǵan munaı gazynyń ótkizý baǵalaryna monıtorıng júrgizedi, ýaqytsha shekti baǵadan asyp ketý faktileri anyqtalǵan jaǵdaıda baǵany tómendetý qajettigi týraly nusqama jiberedi, oryndalmaǵan jaǵdaıda Ákimshilik quqyq buzýshyq kodeksiniń 162-babyna sáıkes ákimshilik jaza qoldanylady», - dedi S. Jumanǵarın.

Onyń aıtýynsha, baǵa aýytqýlary men ekonomıkadaǵy qolaısyz úrdister jaǵdaıynda Agenttik ýaqytsha shara retinde jekelegen taýar naryqtarynda memlekettik baǵa retteýdi belgileýge quqyly jáne daıyn.

«Energetıka mınıstrligimen birlesip gaz óndirýshilermen eski jáne jańa kóterme baǵa arasyndaǵy aıyrmashylyqty bólshek gaz satýshylarǵa óteý týraly kelisimge qol jetkizildi», - dedi agenttik basshysy.


Joǵary qaraı