Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dızel tapshylyǵyna qatysty ahýal birtindep sheshiledi - Maǵzum Myrzaǵalıev

2021 jyldyń 16 qazan 2021 00:16

ATYRAÝ. QazAqparat – Energetıka mınıstri Maǵzum Myrzaǵalıev Atyraý oblysyna sapary kezinde dızel tapshylyǵynyń sebebi men qazirgi ahýal týraly aıtty, dep habarlaıdy QazAqparat.

«Іshki naryqta dızel otynynyń tapshylyǵyna birneshe faktor áser etti. Atyraý munaı óńdeý zaýyty elektr energııasymen jabdyqtaýdaǵy problemaǵa baılanysty qańtardan sáýirge deıin toqtap turdy. Nátıjesinde naryqqa 200 myń tonnaǵa jýyq dızel otyny jetkizilmegen. Al, tamyz aıynda dızel otynyna suranys arta bastady. Eger buryn aıyna 400-420 myń tonna tutynylsa, bul kezde suranys aıyna 520 myń tonnaǵa deıin ósti. Negizgi sebep – baǵanyń Reseımen jáne basqa da kórshi elderdegimen sáıkessizdigi. Shamamen lıtrine 90 teńge. Kókónisterdi tasymaldaý bastalysymen tranzıttik kólik aǵyny artty.

Ár mashınaǵa Qazaqstan aýmaǵyna kirgende tonna, elden shyǵar kezde taǵy tonna quıylady. Sondaı-aq, keri jolda eki ret jaǵarmaı quıylady. Sonda bir kólikke 4 tonna dızel alynady. Bul – júrgizýshi úshin ájeptáýir únemdeý. Naqtysynda biz ózimizdi dızel otynymen qamtamasyz ete alamyz. Biraq, baǵanyń sáıkessizdigine baılanysty osyndaı ahýal qalyptasty. Biz RF Energetıka mınıstrimen baılanysqa shyǵyp, 100 myń tonna dızel otynyn jedel jetkizý týraly kelistik. Qazan aıynda alǵashqy 30 myń tonna jetkizildi. Bul naryqtaǵy ahýaldy turaqtandyrýǵa azdy-kópti múmkindik berdi. Ázirge másele tolyq sheshilgen joq. Biraq ilgerileý bar», - dedi Maǵzum Myrzaǵalıev.

Eske sala ketelik, buǵan deıin janarmaı tapshylyǵyna baılanys Atyraý munaı óńdeý zaýyty dızel óndirýge kirisetinin habarlaǵan edik.

Joǵary qaraı