Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Doktorantýraǵa túsý erejelerine ózgertýler engizildi

2021 jyldyń 11 sáýir 2021 21:02

NUR-SULTAN. QazAqparat - Bıyldan bastap doktorantýraǵa qabyldaý emtıhany elektrondyq formatta júrgiziletin bolady. Bul týraly Bilim jáne ǵylym mınıstrliginiń Telegram kanalynda jarııalandy, dep habarlaıdy QazAqparat.

Atap aıtqanda, úmitkerler kompıýterde otyryp esse jazady, doktorantýrada oqýǵa daıyndyǵyn rastaý úshin test tapsyrady jáne bilim berý baǵdarlamasy tobynyń beıini boıynsha emtıhan tapsyrady.

«Bıyl doktorantýraǵa túsý erejelerine birqatar ózgeris engizildi. Doktorantýraǵa qabyldaý emtıhany alǵash ret testileý ortalyqtarynyń bazasynda derbes kompıýter arqyly elektrondyq formatta ótedi. Ótken jyly bul tásil magıstratýraǵa qabyldaý kezinde qoldanylǵan bolatyn. Bul – qabyldaý emtıhandary tek testileý formatynda ótedi degen sóz emes. Bolashaq doktoranttar JOO-lar bekitken taqyryptar boıynsha esse jazady. Qabyldaý emtıhanynyń qorytyndy baǵasy esse, doktorantýrada oqýǵa daıyndyq testi jáne beıindi emtıhan baǵalarynyń jıyntyǵy bolyp snalady», – dedi QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.

Doktorantýraǵa ótinish qabyldaý 3 shildede bastalyp, 3 tamyzǵa deıin jalǵasady, sondaı-aq bilim berý baǵdarlamalaryna túsý emtıhandary 4-20 tamyz aralyǵynda ótedi. Doktorantýraǵa qabyldaý 28 tamyzda aıaqtalady.

Budan buryn habarlanǵandaı, doktorlyq dıssertatsııalardy qorǵaý onlaın rejımde júrgiziledi.


Joǵary qaraı