Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Doktorantýraǵa túsý úshin qujattardy qabyldaý merzimi uzartyldy

2020 jyldyń 31 shilde 2020 13:44

NUR-SULTAN. QazAqparat - Elimizde karantın rejıminiń uzartylýyna baılanysty doktorantýraǵa túsý úshin qujattardy qabyldaý merzimi 10 tamyzǵa deıin uzartyldy. Bul týraly QazAqparat Bilim jáne ǵylym mınıstrligine silteme jasap habarlaıdy.

Karantın rejıminiń uzartylýyna baılanysty doktorantýraǵa qujattardy qabyldaý 10 tamyzǵa deıin júzege asyrylady. Doktorantýraǵa túsý emtıhandaryn 17-22 tamyz aralyǵynda joǵary oqý oryndary ózderi ótkizedi. Doktorantýraǵa qabyldaý 28 tamyzda aıaqtalady. PhD mamandaryn daıarlaýǵa arnalǵan memlekettik granttardyń sany 1 815 quraıdy.

Emtıhandardy ótkizý kezinde medıtsınalyq qyzmetkerlerdiń jumysy uıymdastyrylady, oqýǵa túsýshilerdi aýdıtorııalarda otyrǵyzý barysynda áleýmettik qashyqtyq qamtamasyz etiledi, sondaı-aq qatań maska rejımi saqtalady.

Aıta ketsek, COVID-19 pandemııasy jaǵdaıynda aǵylshyn tilin bilý IELTS halyqaralyq testin dástúrli formatta tapsyrý múmkin bolmaýyna baılanysty QR Bilim jáne ǵylym mınıstrliginde joo túlekterine magıstratýra men doktorantýraǵa túsý úshin Duolingo English Test jáne IELTS INDICATOR tapsyrýǵa ruqsat beretin buıryqqa qol qoıyldy.

Eske salsaq, magıstratýra men doktorantýraǵa túsý úshin ótinish qabyldanyp jatuandyǵy týraly habarlaǵan bolatynbyz.



Joǵary qaraı