Aýa raıy
Astana 23 °S
Almaty 31 °S
valıýta baǵamy
USD 412.55
EUR 468.66
RUB 5.79
CNY 58.80

Dombyra kúni: Aqmolada «Kúı-live» baıqaýynyń jeńimpazdary anyqtaldy

2020 jyldyń 5 shilde 2020 23:50

KÓKShETAÝ. QazAqparat - Shilde aıynyń birinshi jeksenbisinde atalyp ótken Dombyra kúnine oraı Aqmola oblysynda «Kúı-live» baıqaýy uıymdastyryldy, dep habarlaıdy QazAqparat tilshisi oblystyq ishki saıasat basqarmasyna silteme jasap.

«Aqmola oblystyq mádenıet, arhıvter jáne qujattamalar basqarmasynyń qoldaýymen oblystyq mádenıet jáne halyq shyǵarmashylyǵy ortalyǵy 25-shi mamyr jáne 5-shi shilde aralyǵynda uıymdastyrǵan oblystyq «Kúı-live« ınternet-baıqaýyna oblystyń ár óńirinen ár salada eńbek etetin 18-den joǵary jastaǵy 30 kúıshi qatysyp baq synady. Olardyń oryndaýyndaǵy kúıdiń beınejazbasy uıymdastyrýshylardyń áleýmettik jelidegi paraqshasynda jarııalandy», - deıdi oblystyq mádenıet jáne halyq shyǵarmashylyǵy ortalyǵynyń dırektory mindetin atqarýshy Qýanysh Shaqshaqov.

Úsh kezeńniń qorytyndysy boıynsha Tselınograd aýdanynyń úkilegen úmitti Abylaıhan Ormanbek oblystyq «Kúı-live» ınternet-baıqaýynyń jeńimpazy atandy. Odan keıingi ekinshi jáne úshinshi oryndardy Birjan sal aýdanynyń kúıshisi Rysty Jańbyrshıeva men kókshetaýlyq Dinıslam Bekbolat ózara bólisti.

Sonymen birge, «Ólkeniń tarıhyn ashqany úshin» atalymyna Arshaly aýdanynyń dombyrashysy Aıda Ahmetova, áleýmettik jelide daýys berý arqyly kórermen kózaıymy syılyǵyna býrabaılyq Rıza Satybaldınova laıyq dep tanyldy.

Jeńimpazdar dıplom jáne baǵaly syılyqtarmen marapattaldy.

Aıta keteıik, dombyra kúni oblys boıynsha Facebook, Instagram jáne Youtube áleýmettik jelilerinde 50-den astam onlaın-baıqaý uıymdastyryldy.


Avtor Aslan Ospanov
Basty sózder: Dombyra, Mádenıet, Óner, Aqmola oblysy,
Joǵary qaraı