Aýa raıy
Astana 6 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Donald Tramp jarlyǵymen AQSh-ta TikTok qosymshasynyń qyzmetine tyıym salyndy

2020 jyldyń 7 tamyz 2020 17:47

VAShINGTON. QazAqparat - AQSh prezıdenti Donald Tramp beısenbi kúni TikTok pen WeChat qosymshalaryn elde qoldanýǵa tyıym salatyn jarlyqqa qol qoıdy. Shekteý 45 kún ishinde kúshine enedi, dep habarlaıdy QazAqparat CNN-ge silteme jasap.

TikTok qosymshasyna qatysty buıryq 45 kúnnen keıin baǵdarlamaǵa ıelik etetin «ByteDance Ltd» qytaılyq kompanııasymen kez-kelgen kelisim jasaýǵa da tyıym salady.

Ótken jumada Tramp AQSh-ta TikTok qosymshasynyń qyzmetin toqtatatynyn aıtqan bolatyn. Sondyqtan, jarlyqqa qol qoıý tek kompanııanyń tanymal qosymshasynan bólek, kompanııanyń tikeleı ózine degen qysymdy arttyrdy.

Microsoft jeksenbi kúni «ByteDance Ltd» kompanııasymen qosymshany satyp alý týraly kelissóz bastalǵanyn málim etken. Al dúısenbide prezıdent Tramp TikTok baǵdarlamasyn AQSh 15-qyrkúıekke deıin satyp alýy kerek, olaı jasamaǵan jaǵdaıda, onyń qoldaný toqtatylady dedi.

Tramp qol qoıǵan qujatta TikTok amerıkalyqtardyń jeke jáne qupııa málimetine qaýip tóndiredi, ol tutynýshylardyń ornalasqan jeri týraly málimeti jáne paıdalanýshy týraly aqparatty avtomatty túrde jınaıdy delingen.

TikTok qosymshasyna qatysty buıryq shyqqannan keıin kóp uzamaı prezıdent Tramp WeChat jáne Tencent qytaılyq kompanııasynyń baǵdarlamasyna da dál osyndaı shekteý qoıdy.

Aýdarǵan: Álıhan Asqaruly


Basty sózder: Álem,
Joǵary qaraı