Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Dostyq» kanalynyń qazaqstandyq bóligine jiberiletin sý kólemi ulǵaıdy – Ekologııa mınıstrligi

2021 jyldyń 27 shilde 2021 09:59

NUR-SULTAN.QazAqparat – «Dostyq» kanalynyń qazaqstandyq bóligine sý berý kólemi ulǵaıdy, dep habarlaıdy QazAqparat QR Ekologııa, geologııa jáne tabıǵı resýrstar mınnıstrliginiń baspasóz qyzmetine silteme jasap.

Qazaqstan Respýblıkasy men Tájikstan Respýblıkasynyń Premer-Mınıstrleri telefon arqyly sóılesý qorytyndysy boıynsha qol jetkizilgen ýaǵdalastyqqa sáıkes 26 shildede Dýshanbe qalasynda Qazaqstan Respýblıkasynyń Ekologııa, geologııa jáne tabıǵı resýrstar mınıstri M. Myrzaǵalıevtiń Tájikstan Respýblıkasynyń Energetıka jáne sý sharýashylyǵy mınıstri D. Djýmamen ekijaqty kezdesýi ótti.

Kezdesý barysynda taraptar eki eldiń sý sharýashylyǵynyń máselelerin talqylady.

Qazaqstan tarapy Bahrı-Tochık sý qoımasynan sý tastaýdy ulǵaıtqany úshin tájik tarapyna alǵys bildirdi.

Máselen, Túrkistan oblysynyń aýyl sharýashylyǵy taýar óndirýshilerin sýmen qamtamasyz etý maqsatynda «Dostyq» kanalynyń qazaqstandyq bóligine sý berý 80 m3/s-nan 100 m3/s-qa deıin ulǵaıtyldy.

«Taraptar Syrdarııa ózeniniń orta jáne tómengi aǵysyndaǵy sý sharýashylyǵy jaǵdaıyn jaqsartý jónindegi birlesken sharalardy jalǵastyrýǵa kelisti»,-delingen habarlamada.


Joǵary qaraı