Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

DSM Almaty qalasy bas sanıtar dárigeriniń taǵaıyndalýyna qatysty túsinikteme berdi

2022 jyldyń 13 qańtar 2022 17:08

NUR-SULTAN. QazAqparat – QR Densaýlyq saqtaý mınıstrligi Almaty qalasynyń Bas sanıtar dárigerin taǵaıyndaýǵa qatysty túsinikteme berdi, dep habarlaıdy QazAqparat tilshisi.

«QR Densaýlyq saqtaý mınıstri men onyń vıtse-mınıstrleri arasynda mindetterdi bólýge sáıkes («Qazaqstan Respýblıkasynyń Mınıstri, birinshi vıtse-mınıstri jáne densaýlyq saqtaý vıtse-mınıstrleri arasynda mindetterdi bólý týraly» QR Densaýlyq saqtaý mınıstriniń 2020 jylǵy 30 qyrkúıektegi № 625 buıryǵyna ózgerister engizý týraly» 2021 jylǵy 15 jeltoqsandaǵy № 818 buıryǵy), halyqtyń sanıtarııalyq-epıdemıologııalyq salamattylyǵyn qamtamasyz etý máselelerin sheshý QR Densaýlyq saqtaý vıtse-mınıstri – QR Bas memlekettik sanıtarlyq dárigeri bas sanıtar dáriger Erlan Qııasov tyń quzyretine jatady», - delingen túsindirmede.

ıAǵnı, QR Densaýlyq saqtaý mınıstriniń 2022 jylǵy 22 sáýirdegi №228 buıryǵynyń 2-tarmaǵyna sáıkes, oblystardyń, respýblıkalyq mańyzy bar qalalardyń jáne astananyń (kóliktegi) bas sanıtar dárigerleri men olardyń orynbasarlaryn QR Bas sanıtar dárigeri aıqyndaıdy.

«Kórsetilgen tarmaqtyń talaptaryn saqtaı otyryp, Q.Ábdijabbarova QR Densaýlyq saqtaý vıtse-mınıstri – QR Bas memlekettik sanıtarııalyq dárigeri E.A. Qııasovtyń 2022 jylǵy 12 qańtardaǵy № 15 buıryǵymen Almaty qalasynyń bas memlekettik sanıtarııalyq dárigeri bolyp aıqyndaldy.

Al Sádýaqas Neǵmetýluly Baıǵabulov QR Densaýlyq saqtaý vıtse-mınıstri – Bas memlekettik sanıtarlyq dárigeriniń 2021 jylǵy 23 sáýirdegi № 236 qaýlysy qosymshasyna sáıkes, Almaty qalasynyń Bas memlekettik sanıtarlyq dárigeriniń orynbasary bolyp tabylady jáne Bas memlekettik sanıtarlyq dáriger ýaqytsha bolmaǵan kezeńde onyń mindetterin atqarady», - dep jazylǵan DSM málimetinde.

Mınıstrlik osynyń bárin tize kelip, Almaty qalasynyń Bas sanıtar dárigeri Q.Ábdijabbarovany taǵaıyndaýda eshqandaı jańylysý jáne sabaqtastyqtyń bolmaýy joqtyǵyn málimdedi.


Joǵary qaraı