Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dýaldy oqytýdyń birqatar shyǵynyn memleket óteıdi

2021 jyldyń 20 sáýir 2021 17:21

NUR-SULTAN. QazAqparat - Bıyldan bastap kásiporyndar bazasynda kásibı praktıkany uıymdastyratyn tálimgerlerdiń eńbegine aqy tóleý shyǵyndaryn bıýdjetten óteý josparlanyp otyr, dep habarlaıdy QazAqparat tilshisi.

Nur-Sultan qalalyq Bilim basqarmasy basshysynyń mindetin atqarýshy Shákárim Seısenbaıdyń deregi boıynsha, búgingi tańda elordada dýaldy oqytýǵa 34 mamandyq jáne 60 biliktilik boıynsha 26 kolledj tartylǵan. Qalanyń 189 kásipornyn jumyldyrý arqyly 3575 stýdent kásibı bilimmen qamtylyp otyr.

«Atameken» kásipkerler palatasynyń aqparatyna sáıkes, dýaldy oqytýǵa qatysatyn kásiporyndardyń 97 paıyzy kolledj kadrlarynyń daıarlyǵyna qanaǵattanǵan. Aǵymdaǵy jyldan bastap kásiporyndar bazasynda kásibı praktıkany uıymdastyratyn tálimgerlerdiń eńbegine aqy tóleýge arnalǵan shyǵystardy óteý josparlanýda. Budan basqa bıznesti yntalandyrý úshin jan basyna shaqqandaǵy normatıvten tys shyǵys materıaldaryna, arnaıy kıimder men stýdentterdiń ómiri men densaýlyǵyn saqtandyrýǵa arnalǵan shyǵystardy óteý máselesi pysyqtalýda», - deıdi basqarma basshysynyń mindetin atqarýshy.

Ákimdik ókili dýaldy oqytýdyń «Praktıkadan – teorııaǵa» boıynsha oqý saǵattarynyń ara qatynasy praktıkada 60 paıyz, teorııada 40 paıyz kórsetkishine jetkizilgenin atady.

«Dýaldy oqytý aıasynda túlekterdi ornalastyrý jumys berýshiniń talaptaryna tolyq jaýap beredi. Oqytý óndiris suranystaryna barynsha jaqyn. 2020 jyly qala kolledjderin 6603 túlek bitirdi. Onyń ishinde jumyspen qamtylǵany - 6081, ıaǵnı 92 paıyzyn quraıdy. Al dýaldy oqytý boıynsha túlekterdiń sany 728 adamdy qurady. Onyń ishinde memlekettik bilim berý tapsyrysy boıynsha - 656 adam. Jumysqa ornalasý deńegıi - 91 paıyz», - dedi Shákárim Seısenbaı.

Onyń aıtýynsha, qazirgi tańda Bilim jáne ǵylym mınıstrliginiń buıryǵyna ózgerister men tolyqtyrýlar engizilip jatyr. Bul buıryqta stýdentterdiń óndiristik oqytýdan ótý ýaqytyn eńbek ótiline esepteý múmkindigi kózdelgen.


Avtor Esimjan Naqtybaı
Basty sózder: Nur-Sultan, Bilim, Ákimdik, Qoǵam,
Joǵary qaraı