Aýa raıy
Astana 18 °S
Almaty 19 °S
valıýta baǵamy
USD 412.55
EUR 465.73
RUB 5.79
CNY 58.91

Dýbaıda petropavldyq dombyrashylar bas júldeni jeńip aldy

2019 jyldyń 12 qarasha 2019 17:21

NUR-SULTAN. QazAqparat –Dýbaıda ótken halyqaralyq baıqaýda petropavldyq jetkinshekter bas júlde jeńip aldy, dep habarlaıdy QazAqparat.

Taıaý Shyǵystyń mádenı injý-marjany Dýbaı qalasynda ótken «Jumeirah Sounds» ІІІ halyqaralyq jastar baıqaýynan petropavldyq jetkinshekter bas júlde jáne birinshi orynmen oraldy.

Jeńimpazdar – Petropavl qalasyndaǵy «Kúder» dombyrashylar ansambliniń ónerpazdary.

Qazaq kúıiniń qudiretin arab álemine tanytqan jas kúıshilerdiń arasynda Rasýl Ómirzaqov gran-prı júldesin jeńip alsa, Kámıla Maqpoz jeke oryndaýda birinshi oryndy ıelendi. «Kúder» dombyrashylar ansambli kórermenderge M.Áýbákirovtiń «Talas», T.Mombekovtiń «Saltanat», Esir Aıshýaqulynyń «Ireń» kúıler usynǵan bolatyn.







«Kúder» ansamblin Toıken Kúderova 1995 jyly qurǵan bolatyn. Sodan beri ulaǵatty ustaz talaı jetkinshektiń saýsaqtaryn dombyranyń qos sheginde júgirtip, ónerdiń bıik shyńyna kótere bildi. Toıken Kúderovanyń qazaqtyń qasıetti ónerine jastardy tartý áreketi ulttyq mádenıetimizdi damytý isine qosyp otyrǵan teńdessiz úlesi. Qazaqstandyq ónersúıer qaýymnyń nazaryn ózine aýdara bilgen onyń shákirtteri búginde sheteldik tyńdarmandardyń da júrek túkpirine qazaqtyń únin jetkize bastady. Ansambl músheleri jaqynda ǵana elimizdiń jas dombyrashylary bas qosqan úlken dodada jeńis tuǵyrynan kóringen bolatyn.

Olar qazan aıynda ótken «Jańa format» atty halyqaralyq dombyrashylar festıvaline qatysyp, túrli atalymdar boıynsha eki gran-prı jáne úsh 2-oryn ıelendi.

«Alda taǵy bir halyqaralyq baıqaý kútip tur. Ol Frantsııada ótedi. Jeńiske jetý maqsatymyz!», – deıdi «Kúder» ansambliniń jetekshisi, QR mádenıet qaıratkeri Toıken Kúderova.

Joǵary qaraı