Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dúnıejúzilik bank Qazaqstannyń mal sharýashylyǵy salasyna 460 mln eýro bóledi

2021 jyldyń 14 mamyr 2021 17:39

NUR-SULTAN. QazAqparat - QR Premer-Mınıstri Asqar Mamın Dúnıejúzilik banktiń Eýropa jáne Ortalyq Azııa aımaǵy boıynsha vıtse-prezıdenti Anna Berdemen kezdesý ótkizdi. Bul týraly QazAqparat primeminister.kz saıtyna silteme jasap habarlaıdy.

Taraptar QR men Dúnıejúzilik banktiń tsıfrlyq tehnologııalar, qarjy, ınfraqurylym, energetıka, aýyl sharýashylyǵy, ekologııa, adamı kapıtaldy, shaǵyn jáne orta bıznesti damytý sekildi salalardaǵy jobalardy iske asyrýdaǵy yntymaqtastyq perspektıvalaryn, sondaı-aq Qazaqstan ekonomıkasyna pandemııa saldaryn barynsha azaıtý máselelerin talqylady.

Dúnıejúzilik bank ókilderi QR Úkimetiniń COVID-19-ǵa qarsy kúres, kásipkerlikti qoldaý jáne nátıjeli jumyspen qamtý boıynsha qabyldap jatqan sharalaryna joǵary baǵa berdi. Bul 2021 jyldyń 4 aıynyń qorytyndysy boıynsha Qazaqstan ekonomıkasynyń ósý traektorııasyna shyǵýyna múmkindik berdi.

Ekonomıkanyń naqty sektoryndaǵy turaqty jáne joǵary ósý qarqyny, eldiń JІÓ-degi óńdeý ónerkásibi úlesiniń artýy, sondaı-aq kórsetiletin qyzmetter sektoryndaǵy qalpyna keltirý serpini erekshe atalyp ótti.

Kelissózder qorytyndysy boıynsha nátıjege baǵdarlanǵan mal sharýashylyǵyn turaqty damytý baǵdarlamasy boıynsha qaryz týraly kelisimge qol qoıyldy. Qujat Halyqaralyq qaıta qurý jáne damý bankiniń Qazaqstanǵa veterınarııalyq qyzmet pen janýarlardy esepke alý júıesin jetildirýge, fermerge baǵdarlanǵan qyzmet kórsetý modelin keńeıtýge, sondaı-aq etti mal sharýashylyǵy sektory úshin «jasyl ósim» saıasatyn iske asyrýǵa 460 mln eýro bólýin kózdeıdi. Jobany iske asyrý merzimi – 2021-2025 jyldar.





Kezdesýge Premer-Mınıstrdiń birinshi orynbasary Álıhan Smaıylov, ındýstrııa jáne ınfraqurylymdyq damý mınıstri Beıbit Atamqulov, qarjy mınıstri Erulan Jamaýbaev, ulttyq ekonomıka mınıstri Áset Erǵalıev, aýyl sharýashylyǵy mınıstri Saparhan Omarov, tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın qatysty. 1992 jyldan bastap Dúnıejúzilik bank Qazaqstanda qarjy, ınfraqurylym, energetıka, AÓK, kommýnaldyq qyzmet kórsetý sektory, AT jáne basqa salalardy damytý jónindegi 55-ten asa memlekettik jobanyń iske asyrylýyn qarjylandyrdy.


Joǵary qaraı