Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dúnıejúzilik tazalyq kúni soltústikqazaqstandyqtar 116 tonna qoqys jınady

2021 jyldyń 20 qyrkúıek 2021 13:07

PETROPAVL. QazAqparat – Soltústik Qazaqstan oblysynda ekologııa departamenti aımaqtyń atqarýshy organdarymen, kásiporyndarymen, ekobelsendilermen, volonterlermen birlesip «World cleanup day 2021» -«Birge Taza Qazaqstan» aktsııasyn ótkizdi, dep habarlaıdy QazAqparat tilshisi.

SQO ekologııa departamentiniń málimetinshe, ekologııalyq aktsııa Petropavl sý torabynyń oń jaǵalaýynda, Jeńis jáne ortalyq saıabaqtarda, Pestroe kóliniń jaǵalaýynda, Kamenka sý arnasynyń mańy men qalalyq jaǵajaıda ótti.

Mamandardyń aıtýynsha, jyl saıyn aktsııaǵa búkil álem boıynsha 180-nen astam el jáne 18 mln volonter qatysady. Dástúrli is-shara elimizde de jyl saıyn uıymdastyrylyp, eriktiler, qoǵam belsendileri tabıǵı aýmaqtardy qoqystan tazartady. Aktsııanyń maqsaty - qorshaǵan ortanyń lastanýyna jol bermeý.

SQO-da ekologııalyq senbilikke eki myńnan astam adam qatysty. «Petropavl aýyr mashına jasaý zaýyty» AQ, «Osnovanıe» JShS, SQO-nyń ekovolonteri Azat Jumaǵul, Jastar resýrstyq ortalyǵy, M. Qozybaev atyndaǵy Soltústik Qazaqstan ýnıversıteti jáne t.b. mekemelerdiń qyzmetkerleri belsendi qatysty.

Uıymdastyrýshylardyń aıtýynsha, aktsııa aıasynda barlyǵy 116 tonna qoqys jınaldy. Onyń ishinde 28 tonna shyny, 19,5 tonna plastık, 26 tonna rezeńke, 16,5 tonna qaǵaz, 26 tonna metall.

Qaıta óńdeletin qaldyqtar «Radýga» JShS-ne qaıta óńdeýge berildi.








Joǵary qaraı