Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dúısenbide el aýmaǵynda aýa raıy qandaı bolady

2021 jyldyń 7 maýsym 2021 00:18

NUR-SULTAN. QazAqparat - Sınoptıkter 7 maýsym kúni Qazaqstan aýmaǵynda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.

Respýblıkanyń basym bóliginde atmosferalyq fronttardyń áserinen turaqsyz aýa raıy saqtalady.

Keı jerlerde jańbyr jaýyp, naızaǵaı jarqyldaıdy.

Respýblıkanyń batysynda burshaq jaýýy múmkin.

Tek respýblıkanyń qıyr soltústigi men shyǵysynda jaýyn-shashyn jaýmaıdy.

Respýblıkanyń keı jerlerinde jel kúsheıedi, shańdy daýyl soǵady, soltústikte tuman túsedi.

Jambyl oblysynyń keı jerlerinde naızaǵaı oınaıdy. Jel ekpini 23-28 m/s jetedi.

Túrkistan oblysynyń keı jerlerinde naızaǵaı jarqyldap, shańdy daýyl soǵady. Jel qarqyny kúndiz 25 m/s deıin kúsheıedi.

Qyzylorda oblysynyń keı jerlerinde kúndiz naızaǵaı, shańdy daýyl kútiledi, keı jerlerde jeldiń kúshi - 15-20 m/s.

Mańǵystaý, kúndiz Qaraǵandy oblysynyń keı jerlerinde kún kúrkireıdi, jel jyldamdyǵy 15-20 m/s jetedi, Mańǵystaý oblysynyń keı jerlerinde burshaq jaýýy múmkin.

Almaty, Qostanaı oblystarynda naızaǵaı, jel 15-20 m/s kúsheıedi. Soltústik Qazaqstan, Pavlodar oblystarynda túnde jáne tańerteń keı jerlerde tuman túsedi.

Batys Qazaqstan oblysynyń keı jerlerinde naızaǵaı jarqyldaıdy, burshaq jaýýy yqtımal. Atyraý, kúndiz Aqmola oblysynyń keı jerlerinde kún kúrkireıdi.

Kúndiz Jambyl, Túrkistan oblystarynyń basym bóliginde, Almaty oblysynyń keı jerlerinde aptap ystyq bolady.

Qyzylorda, Jambyl, Túrkistan, Aqtóbe, Qaraǵandy oblystarynyń basym bóliginde, Almaty, Atyraý, Qostanaı, Aqmola, Pavlodar, Shyǵys Qazaqstan oblystarynyń keı jerlerinde óte joǵary órt qaýpi saqtalady.

Basty sózder: Qazgıdromet, Aýa raıy,
Joǵary qaraı