Aýa raıy
Astana -23 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Dúısenbide Qazaqstannyń basym bóliginde qar men jańbyr jaýady

2020 jyldyń 26 qazan 2020 00:06

NUR-SULTAN. QazAqparat – Qazgıdromet 26 qazanǵa arnalǵan aýa raıy boljamyn usynady, dep habarlaıdy QazAqparat.

Tsıklon áserinen Qazaqstannyń basym bóliginde qar men jańbyr jaýady. Tek respýblıkanyń ońtústik-batysy men ońtústik-shyǵysynda jaýyn-shashynsyz aýa raıy kútiledi. Respýblıkanyń keı jerlerinde tuman, kóktaıǵaq bolyp, jel kúsheıedi.

Aqmola, Qostanaı, Soltústik Qazaqstan oblystarynyń keı jerlerinde tuman, kóktaıǵaq kútiledi, jel túnde keı jerlerde 15-20, kúndiz 15-20 m/s, Aqmola, Soltústik Qazaqstan oblystarynda ekpini 23-28 m/s kúsheıedi. Qaraǵandy, Shyǵys Qazaqstan oblystarynyń keı jerlerinde tuman, kóktaıǵaq bolyp, jel 15-20 m/s kúsheıedi.

Qyzylorda, Pavlodar oblystarynda jeldiń kúsheıýi túnde keı jerlerde 15-20 m/s, kúndiz 15-20, ekpini 25 m/s kúsheıedi, túnde Pavlodar oblysynda keı jerlerde kóktaıǵaq bolady.

Mańǵystaý, Batys Qazaqstan, Aqtóbe oblystarynda keı jerlerde – tuman, Batys Qazaqstan oblysynyń - keı jerlerinde, Aqtóbe oblysynda - kúndiz jeldiń ekpini 15-20 m/s. Atyraý, kúndiz Jambyl oblystarynda keı jerlerde jel 15-20 m/s jetedi.

Almaty oblysynda túnde jáne tańerteń keı jerlerde tuman kútiledi, Jalańashkól aýdanynda jel 15-20 m/s jyldamdyqpen soǵady.
Basty sózder: Qazgıdromet, Aýa raıy,
Joǵary qaraı