Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Dzıýdo: Eldos Smetov Tashkentte Grand Slam týrnıriniń kúmis júldegeri atandy

2021 jyldyń 5 naýryz 2021 19:00

NUR-SULTAN. QazAqparat – Qazaqstandyq, álem chempıony Eldos Smetov Tashkentte ótip jatqan Grand Slam týrnıriniń kúmis júldegeri atandy, dep habarlaıdy QazAqparat tilshisi.

Rıo olımpıadasynda kúmispen kúptelgen E.Smetov 60 kelide fınalda japonııalyq, álem chempıonatynyń eki dúrkin júldegeri Rıýdzıý Nagaıamamen tatamıge shyqty.

Qarsylastar buǵan deıin ózara bir ret kezdesip, 2019 jyly álem birinshiliginde Eldos utylyp qalǵan edi.

Dúnıejúzilik reıtıngte kósh bastap kele jatqan japonııalyq dzıýdoshy bul joly da shıraq qımyldap, vazarı ádisimen jeńiske jetti.

Jarys barysynda Eldos shırek fınalda grýzııalyq Jaba Papınashvılıdi qosymsha ýaqytta jeńdi. Odan keıin jartylaı fınalda ázirbaıjandyq Karamat Hýseınovty vazarı ádisimen joldan taıdyrdy.

Taǵy bir qazaqstandyq Erlan Serikjanov 66 kg salmaqta qola júlde úshin reseılik Aram Grıgorıanmen beldesedi. Ol jubanysh kezdesýinde slovenııalyq Matej Polıakty tize búktirdi.


Avtor Eljan Eraly
Basty sózder: Sport,
Joǵary qaraı