Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

E-arhıv: elimizde qujattardy tsıfrlyq formatta saqtaıtyn júıe iske qosyldy

2021 jyldyń 22 qyrkúıek 2021 14:50

NUR-SULTAN. QazAqparat – Qazaqstanda arhıvtik qujattardy tsıfrlyq formatta saqtaıtyn jańa aqparattyq júıe engizilip jatyr. Bul týraly QR Mádenıet jáne sport mınıstriniń orynbasary Ǵabıdolla Ábdirahmanov málim etti, dep habarlaıdy QazAqparat tilshisi.

«Arhıvıst mamandyǵyna osy ýaqytqa deıin jiti kóńil bólinbeı keldi. Onyń ishinde memlekettik organdar tarapynan da az nazar aýdaryldy. Qazir biz e-arhıv jańa aqparattyq júıesin engizýdemiz. Onyń negizinde barlyq memlekettik organdardan derekter bazasy jáne elektrondyq arhıvpen jumys isteı alatyn joǵary bilikti IT-tehnologııalardy meńgergen mamandardyń jumys isteýi talap etiledi. Sebebi Memleket basshysy Joldaýda arhıv qyzmetkerleriniń jalaqysymen qosa biliktiligin de arttyrýdy mindettedi. Jalpy arhıv jumysyn zamanaýı túrde ilgeriletýdegi mańyzdy baǵyttyń biri ony tsıfrlyq formatqa aýystyrý. ıAǵnı, barlyq qujattardy elektrondy formatta saqtaýymyz qajet», - dedi Ǵ. Ábdirahmanov.

Sondaı-aq, vıtse-mınıstr Memleket basshysy sheteldegi elimizge qatysty arhıv qujattaryn zertteýdi tapsyrǵanyn aıtty.

«Prezıdenttiń osy tapsyrmasyna sáıkes, arnaıy keshendi jospar qabyldandy. Jospar aıasynda bizdiń mamandar sheteldik muraǵattarǵa baryp, ondaǵy qundy qujattarmen tanysyp jatyr», - deıdi ol.

Buǵan deıin Ǵ. Ábdirahmanov kelesi jyldan bastap arhıv qyzmetkerleriniń jalaqysy ósetinin málim etti.



Joǵary qaraı