Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

EAEO aýmaǵynda taýar aınalymyna tıimdi baqylaý qamtamasyz etiledi

2020 jyldyń 21 mamyr 2020 10:34

NUR-SULTAN. QazAqparat – Parlament Senatynyń jalpy otyrysynda «Eýrazııalyq ekonomıkalyq odaqtyń kedendik aýmaǵyna ákelingen taýarlardy qadaǵalap otyrý tetigi týraly kelisimdi ratıfıkatsııalaý týraly» Zańy qabyldandy, dep habarlaıdy QazAqparat tilshisi.

Joǵarǵy Eýrazııalyq ekonomıkalyq keńestiń 2019 jyldyń 29 mamyrynda Nur-Cultan qalasynda ótken otyrysynda Eýrazııalyq ekonomıkalyq odaqqa (EAEO) múshe memleketterdiń basshylary kelisimge qol qoıdy. Kelisimniń negizgi maqsattary - taýarlar aınalymyna tıimdi baqylaýdy qamtamasyz etý, zańsyz aınalymdy anyqtaý, salyq tóleýden jaltarý jaǵdaılaryn boldyrmaý, bıýdjetke túsetin salyq jáne keden tólemderin ulǵaıtýdy qamtamasyz etý.

«Kelisimniń erejeleri Eýrazııalyq ekonomıkalyq odaqtyń kedendik aýmaǵyna ákelingen taýarlardy qadaǵalaý tetigin qurý merzimderi men tártibin reglamentteıdi. Qadaǵalaý ımporttyq taýarlar boıynsha júzege asyrylatyn bolady. Qadaǵalaýǵa jatatyn taýarlardyń tizbesin Eýrazııalyq ekonomıkalyq komıssııanyń Keńesi bekitedi. Árbir memleket óziniń Ulttyq qadaǵalaý júıesin qurýy qajet, sondaı-aq salyq tóleýshilerdiń ózderiniń ilespe qujattaryn osy júıede resimdeýin baqylaýdy qamtamasyz etýi tıis. Qujattar osy juıede resimdelmese taýarlardy Eýrazııalyq ekonomıkalyq odaq aıasynda tasymaldaýǵa tyıym salynatyn bolady», - dedi QR Qarjy mınıstri Erulan Jamaýbaev.

Kelisimde Eýrazııalyq ekonomıkalyq odaǵyna múshe memleketter arasynda qadaǵalaý jónindegi aqparat almasý boıynsha talaptar aıqyndalǵan. Mundaı almasý Eýrazııalyq ekonomıkalyq odaqtyń ıntegratsııalanǵan aqparattyq platformasy arqyly turaqty túrde júzege asyrylatyn bolady. Taýarlar aınalymyn qadaǵalaý tetigin engizý kezeń-kezeńimen iske asyrylady.

Kelisimdi barlyq múshe memleketter bekitkennen keıin, árbir memleket 120 kúntizbelik kún ishinde qadaǵalaý tetigin úılestirýge jáne iske asyrýǵa jaýapty. Kelisim kúshine engen kúninen bastap 12 aıdyń ishinde qanatqaqty joba iske qosylatyn bolady. Pılottyq jobanyń nátıjeleri boıynsha, qadaǵalaý júıesiniń turaqty jumys isteýine kóshý týraly sheshim qabyldanady.


Joǵary qaraı