Aýa raıy
Astana -23 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

EAEO aýmaǵynda taýar tasymaldaýshylar ilespe qujatty úıden shyqpaı-aq rásimdeı alady

2020 jyldyń 12 qazan 2020 13:08

NUR-SULTAN. QazAqparat - Taýarlarǵa ilespe júkqujattardy resimdeý jónindegi pılottyq joba 2020 jylǵy 1 qarashadan bastap iske qosylady. Bul týraly Memlekettik kirister komıtetine silteme jasap QazAqparat habarlaıdy.

Osylaısha jańa jumys júıesi boıynsha TІJ resimdeý Qazaqstan Respýblıkasynyń Memlekettik shekarasyn EAEO elderimen ótkenge deıin qajet. Sondaı-aq, pılottyq joba sheńberinde EAEO elderimen ózara saýdada eksporttyq jáne ımporttyq operatsııalardy júzege asyrý kezinde TІJ resimdeý kózdelgen.

Komıtette atap ótkendeı, resimdelgen TІJ-niń bolýy avtomobıl ótkizý pýnktterinde taýarǵa ilespe qujattardy skanerleý qajettiligin boldyrmaıdy, bul EAEO elderimen memlekettik shekaradan ótý protsesin jedeldetedi.

Jalpy, pılottyq joba 2021 jylǵy 1 naýryzdan bastap TІJ mindetti engizýge «jumsaq» kóshý úshin júzege asyrylady. Pılotty júrgizý kezinde ákimshilik jaýapkershilik sharalary qoldanylmaıdy.

Pılottyq joba salyq tóleýshilerge TІJ-men jumys isteýge beıimdelýge, olardyń esep júıelerin jáne satyp alýshylarmen jáne jetkizýshilermen ózara árekettesýdi ornatýǵa arnalǵan.

TІJ resimdeý úshin Halyqqa qyzmet kórsetý ortalyqtarynan alýǵa bolatyn ETsQ kómegimen elektrondyq shot-faktýralardyń aqparattyq júıesin paıdalaný týraly kelisimge qol qoıý arqyly EShF AJ-da tirkelý qajet. EShF AJ-da tirkelý jáne jumys isteý tegin júzege asyrylatynyn atap ótken jón.

Memlekettik kirister komıteti EAEO elderimen ózara saýdada syrtqy ekonomıkalyq qyzmettiń barlyq qatysýshylaryn keıinnen TІJ mindetti resimdeýge birtindep kóshý úshin pılottyq jobaǵa qatysý boıynsha daıyndyq is-sharalaryn ótkizýge shaqyrady.

Sondaı-aq, pılottyq joba aktsızdeletin taýarlardy ótkizý jáne Dúnıejúzilik saýda uıymynyń alyp qoıý tizbesindegi taýarlardy (Taýarlardyń osy tizbesimen Eýrazııalyq ekonomıkalyq komıssııa Keńesiniń 2015 jylǵy 14 qazandaǵy № 59 sheshiminde tanysýǵa bolady) jáne elektrondyq shot-faktýralar vırtýaldy qoıma modýli arqyly jazyp beriletin taýarlardy (taýarlardyń osy tizbesimen Qazaqstan Respýblıkasy Premer-Mınıstriniń Birinshi orynbasary - Qazaqstan Respýblıkasy Qarjy mınıstriniń 2019 jylǵy 23 sáýirdegi № 384 buıryǵyda tanysýǵa bolady) ótkizý kezinde TІJ resimdeýdi kózdeıtinine nazaryńyzǵa jetkizemiz, deıdi Komıtet mamandary.

TІJ – bul Qazaqstan Respýblıkasy Qarjy mınıstrligi Memlekettik kirister komıtetiniń «Elektrondyq shot-faktýralar» aqparattyq júıesinde (EShF AJ) elektrondyq nysanda resimdeletin taýarǵa ilespe qujat.

TІJ resimdeý jáne resimdeý tártibin saqtaý jónindegi normalar Salyq kodeksiniń 176-babynda aıqyndalǵan.

Barlyq suraqtar boıynsha MKK Sall-ortalyǵyna myna telefondar arqyly habarlasýǵa bolady: 1414, +7 702 129 90 39 nemese +7 (7172) 71-80-05.


Joǵary qaraı