Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

EAEO elderimen ózara saýda: taýarlarǵa ilespe júkqujattardy rásimdeý jobasynyń merzimi uzartyldy

2021 jyldyń 23 jeltoqsan 2021 14:52

NUR-SULTAN. QazAqparat - Memlekettik kirister komıteti EAEO elderimen ózara saýdada eksporttyq jáne ımporttyq operatsııalardy júzege asyrý kezinde taýarlarǵa ilespe júkqujattardy (TІJ) rásimdeý jónindegi pılottyq jobany júrgizý merzimi 2022 jylǵy 1 sáýirge deıin uzartylǵandyǵy týraly eske salady.

Pılottyq joba sheńberinde EAEO elderimen eksporttyq jáne ımporttyq operatsııalardy júzege asyrý kezinde shekaradan ótkenge deıin taýarlarǵa ilespe júkqujattardy rásimdeý kózdelgen.

Taýarlarǵa ilespe júkqujattardy rásimdelýin baqylaýdy júzege asyrý maqsatynda EAEO elderimen avtomobıl ótkizý beketterinde memlekettik kirister organdary taýarlarǵa ilespe júkqujattardy rastaýdy júzege asyrady, dep habarlaıdy QazAqparat.

Monıtorıng nátıjeleri boıynsha pılottyq joba bastalǵannan beri EAEO elderinen taýarlar ımporty kezinde salyq tóleýshilerdiń 22% taýarlarǵa ilespe júkqujattardy rásimdemegeni anyqtaldy.

Taýarlarǵa ilespe júkqujattardy rásimdeý jónindegi pılottyq joba mindetti resimdeýge jumsaq kóshýdi qamtamasyz etýge baǵyttalǵanyn atap ótken jón, bul salyq tóleýshilerge taýarlarǵa ilespe júkqujattarmen jumysqa beıimdelýge, esep júıelerin qondyrýǵa jáne kontragenttermen ózara is-qımyl jasaýǵa múmkindik beredi.

Osyǵan baılanysty, Memlekettik kirister komıteti syrtqy ekonomıkalyq qyzmetke qatysýshylardy 2022 jylǵy 1 sáýirden bastap mindetti rásimdeýge daıyndyq maqsatynda pılottyq joba barysynda taýarlarǵa ilespe júkqujattardy rásimdeýge shaqyrady.


Joǵary qaraı