Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

EAEO-ǵa múshe memleketterdiń energııa júıeleriniń tıimdi jumysy qamtamasyz etiledi

2021 jyldyń 16 maýsym 2021 11:50

NUR-SULTAN. QazAqparat – Parlament Májilisiniń jalpy otyrysynda «2014 jylǵy 29 mamyrdaǵy Eýrazııalyq ekonomıkalyq odaq týraly shartqa Qyrǵyz Respýblıkasynyń qosylýyna baılanysty ózgerister engizý týraly hattamany ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

Eýrazııalyq ekonomıkalyq odaq týraly negizgi shartqa 2014 jylǵy 29 mamyrda Belarýs, Qazaqstan jáne Reseı arasynda qol qoıyldy. Qyrǵyzstan 2014 jylǵy 23 jeltoqsanda qol qoıylǵan Qyrǵyz Respýblıkasynyń qosylýy týraly shart aıasynda Eýrazııalyq ekonomıkalyq odaq týraly shartqa qosyldy, ony múshe barlyq memleketter ratıfıkatsııalady jáne 2015 jylǵy 12 tamyzda Qyrǵyzstan EAEO-nyń tolyq quqyly múshesi boldy.

«Bul rette, Qyrǵyzstan múshe memleketterdiń aýmaǵy arqyly elektr energııasyn memleketaralyq berýdi júzege asyrýǵa nıet bildirgen jaǵdaıda, Shartqa №21 qosymshanyń baǵa belgileý jáne tarıftik saıasat negizderin qosa alǵanda, elektr energetıkasy salasyndaǵy tabıǵı monopolııalar sýbektileriniń kórsetiletin qyzmetterine qol jetkizýdi qamtamasyz etý týraly hattamaǵa qosymsha bolyp sanalatyn múshe memleketter arasynda elektr energııasyn memleketaralyq berýdi júzege asyrý ádistemesi búgingi kúni Qyrǵyz Respýblıkasyna qoldanylmaıdy. Osy ózara qatynastardy retteý turǵysynda EAEO-ǵa múshe memleketter shartqa Qyrǵyz Respýblıkasynyń qosylýyna baılanysty elderi arasynda elektr energııasyn (qýatyn) memleketaralyq berýdi júzege asyrý ádisnamasyn aıqyndaý maqsaty bolyp sanalatyn hattama daıyndady», - dedi QR Energetıka mınıstri Nurlan Noǵaev.

Hattama jobasy 2017 jylǵy 13 qańtarda Eýrazııalyq ekonomıkalyq odaq Keńesiniń ókimimen maquldandy.

Onyń aıtýynsha, Hattamany ratıfıkatsııalaý Qyrǵyz Respýblıkasynyń qosylýyn eskere otyryp, EAEO-ǵa múshe memleketterdiń energııa júıeleriniń tıimdi jumys isteý múmkindigin qamtamasyz etedi.

«Halyqaralyq sharttyń retteý nysanasy baǵa belgileý men tarıftik saıasat negizderin qosa alǵanda, elektr energetıkasy salasyndaǵy tabıǵı monopolııalar sýbektileriniń qyzmetterine qol jetkizýdi qamtamasyz etý týraly hattamaǵa Qyrǵyz Respýblıkasynyń qosylýyn eskere otyryp, EAEO-ǵa múshe memleketter arasynda elektr energııasyn memleketaralyq berýdi júzege asyrý bolyp sanalady. Búgingi kúni hattamany Qazaqstannan basqa barlyq múshe memleketter ratıfıkatsııalady. Zań jobasyn qabyldaý teris áleýmettik-ekonomıkalyq jáne ózge de saldarǵa ákep soqtyrmaıdy, memlekettik bıýdjetten qosymsha shyǵystardy talap etpeıdi», - dedi mınıstr.


Joǵary qaraı