Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

EAEO ıntegratsııasy ulttyq quqyqtyq júıelerdiń ereksheligin eskerýi kerek - Prezıdent

2020 jyldyń 19 mamyr 2020 17:55

NUR-SULTAN. QazAqparat – EAEO ıntegratsııasy ulttyq quqyqtyq júıelerdiń ereksheligin eskerýi kerek. Joǵary Eýrazııalyq ekonomıkalyq keńestiń otyrysynda Qazaqstan Prezıdenti Qasym-Jomart Toqaev osylaı dep málim etti, dep habarlaıdy QazAqparat tilshisi.

«Strategııada usynylǵan zańnamanyń «úılestirýge jáne birizdendirýge» qatysty quqyqtyq jaýapkershilik ornatý bólimindegi ákimshilik jáne qylmystyq, keden isi, tehnıkalyq retteý, tutynýshylardyń quqyǵyn qorǵaý sııaqty birqatar sala, bizdiń pikirimizshe, aqylǵa qonymdy jetkiliktilik qaǵıdatyna áli de tolyq jaýap bermeıdi. Al bul ulttyq qoǵamdyq oı-pikirdiń Strategııany qabyldamaýyna alyp keledi. Óıtkeni Strategııa úkimetter men parlamentterdiń derbes quqyǵyn shekteıdi», - dedi Qazaqstan Prezıdenti.

Sonymen birge, Memleket basshysy qazirgi kelisimderge sáıkes ákimshilik seriktestik, buzýshylar boıynsha aqparat almasý, transhekaralyq sıpattaǵy qaýipterdiń aldyn alý sekildi salalarda quziretti organdardyń arasynda belgili bir baılanysý alańy qalyptasqanyn aıtty.

Aıta ketsek otyrysta eýrazııalyq ekonomıkalyq ıntegratsııanyń 2025 jylǵa deıingi strategııalyq baǵyttary qarastyrylýda.


Joǵary qaraı