Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

EAEO-nyń Biryńǵaı tizbesine engizilmegen ónimderdi retteıtin zań qabyldandy

2021 jyldyń 15 sáýir 2021 13:33

NUR-SULTAN. QazAqparat - Senat Spıkeri Máýlen Áshimbaevtyń tóraǵalyǵymen Palata otyrysy ótti, dep habarlaıdy QazAqparat.

Onda Senat depýtattary «Eýrazııalyq ekonomıkalyq odaqtyń tehnıkalyq reglamentterinde talaptar belgilenbegen ónimniń Eýrazııalyq ekonomıkalyq odaq sheńberindegi aınalysynyń tártibi jáne mundaı ónimniń qaýipsizdigin qamtamasyz etý qaǵıdalary týraly kelisimdi ratıfıkatsııalaý týraly» zań jobasyn qarap, qabyldady.

Osy Kelisim arqyly mindetti talaptardy belgileıtin EAEO-nyń Biryńǵaı tizbesine engizilmegen ónimdermen qatar atalǵan tizbege engizilgen, biraq Odaqtyń olarǵa qatysty tehnıkalyq tártibi qabyldanbaǵan nemese áli kúshine enbegen ónimderdiń de aınalym tártibi anyqtalady. Qazirgi tańda mundaı ónimderdiń kólemi 15 paıyzdan kem emes.

Atalǵan ónimderdiń qaýipsizdigin EAEO zańnamasyna sáıkes ónimdi óndiretin jáne jetkizetin jeke kásipkerler, onyń ishinde daıyndaýshylar, satýshylar jáne ımporttaýshylar qamtamasyz etedi. Osy rette Kelisim bıznes úshin eshqandaı ákimshilik kedergiler týdyrmaıtynyn atap ótken jón.

«Eýrazııalyq ekonomıkalyq odaqtaǵy ıntegratsııalyq protsesterdiń, taýarlardyń, qyzmetterdiń jáne kapıtaldyń biryńǵaı naryǵyn qalyptastyrý úshin tehnıkalyq retteý salasynda birkelki qaǵıdalardy bekitý asa mańyzdy. Bul Odaqqa múshe elderdiń kásipkerlerine teń jaǵdaı jasaý jáne adal básekelestikti qalyptastyrý úshin qajet. Sonymen qatar, tutynýshylar úshin ónimniń qaýipsizdigin qamtamasyz etý de mańyzdy ekeni sózsiz. Sondyqtan búgin qabyldanǵan zań ónimderdiń biryńǵaı tizbesine engizilmegen, Odaqtyń tehnıkalyq reglametterimen rettelmeıtin taýarlardyń aınalym tártibin belgileıdi. Sonyń nátıjesinde tutyný naryǵyndaǵy bir top taýardyń qaýipsizdigin kúsheıtetin quqyqtyq negiz qalyptasady», – dedi Máýlen Áshimbaev.


Basty sózder: Parlament, Senat, Zań,
Joǵary qaraı