Aýa raıy
Astana 9 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

EAEO taýardyń kedergisiz qozǵalysyn qamtamasyz etetin tetikter usynýy qajet - QR Prezıdenti

2020 jyldyń 19 mamyr 2020 17:41

NUR-SULTAN. QazAqparat - Eýrazııalyq ekonomıkalyq odaqta taýarlardyń kedergisiz qozǵalysyn qamtamasyz etetin ózara is-qımyldyń laıyqty tetikterin usyný qajet. Bul týraly Joǵary Eýrazııalyq ekonomıkalyq keńestiń shaǵyn quramdaǵy onlaın otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Ózara taýar aınalymy kóleminiń saqtalyp, arta túsýin qamtamasyz etýge járdemdesý, onyń nomenklatýrasy men balansynyń ártaraptandyrylýyn qamtamasyz etý mańyzdy. Іndet kezinde týyndaǵan barlyq shekteýler men kedergilerdi kezeń-kezeńimen alyp tastaý jospary qajet. Bizdiń densaýlyq saqtaý, sanıtarlyq-veterınarlyq jáne baqylaýdyń basqa da salalaryndaǵy vedomstvolarymyz daǵdarystan sabaq alyp, bir jaǵynan azamattarymyzdyń qaýipsizdigin, ekinshi jaǵynan taýarlardyń kedergisiz qozǵalysyn qamtamasyz etetin ózara is-qımyldyń laıyqty tetikterin usynýy tıis», - dedi Qazaqstan Prezıdenti.


Memleket basshysy indetpen kúres máselesinde, odan keıin shekteýlerdi alyp tastaý kezinde kólik bıliginiń, sanıtarlyq qyzmetterdiń, shekaralyq vedomstvolardyń úılesimdi jumysy da mańyzdy ekenin basa aıtty.


Joǵary qaraı