Aýa raıy
Astana -6 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

EAEO úkimet basshylary jolaýshylar qatynasyn qalpyna keltirý máselesin talqylaıdy

2020 jyldyń 8 qazan 2020 11:11

MÁSKEÝ. QazAqparat – 9 qazan kúni Erevanda josparlanǵan Eýrazııalyq úkimetaralyq keńes otyrysynyń basty taqyryby koronavırýs ınfektsııasynyń saldaryn eńserý máseleleri bolmaq. Bul týraly brıfıng barysynda EEK Alqasy tóraǵasynyń kómekshisi Iıa Malkına málim etti, dep habarlaıdy QazAqparattyń menshikti tilshisi.

«Basty taqyryp - Odaqtaǵy sanıtarlyq-epıdemıologııalyq jaǵdaı men jolaýshylar qatynasyn qalpyna keltirý. Bul másele ótkir bolyp otyr, barlyq elder men azamattar naqty sheshimderdi kútýde.

Taraptar qatynasty qalpyna keltirý qaýipsizdigi sharttarynyń tizbesine ýaǵdalasa alatynyna úmittenemiz», - dep habarlady I.Malkına.

«Eýrazııalyq ıntegratsııany damytý jónindegi Strategııanyń qalǵan kelisilmegen pozıtsııalary qarastyrylady. Bul másele boıynsha syndardy dıalog ótetinine úmittenemiz.

Sondaı-aq, kún tártibinde Odaqtyń ishki naryǵyndaǵy 2018-2019 jyldardaǵy alý jáne shekteýlerdi joıý máselesi tur», - dedi ol.

Budan basqa, premer-mınıstrler EAEO-da taýarlardy transulttyq elektrondyq saýdalaýdy retteýdiń negizgi baǵyttary men eksportty damytýdyń birlesken sharalaryn qarastyrady.

Sondaı-aq, kún tártibinde EEK-tiń básekelestik jáne monopolııaǵa qarsy retteý boıynsha Alqa múshesiniń kandıdatýrasy qaralmaq, ony keıinnen memleket basshylary maquldaýy tıis. Eske sala ketsek, atalǵan oryn 14 qyrkúıekte Serik Jamanǵarın QR Básekelestikti qorǵaý jáne damytý agenttiginiń tóraǵasy bolyp taǵaıyndalǵannan keıin bosady.

Sondaı-aq I.Malkına Armenııa, Belarýs, Qazaqstan jáne Reseı premer-mınıstrleriniń Erevandaǵy kezdesýge qatysýǵa daıyn ekendigin málimdedi. «Qazirgi kezde biz Qyrǵyz Respýblıkasynan qatysý formaty týraly habar kútip otyrmyz», - dedi ol.

Avtory: Narymbek Ismaǵulov




Joǵary qaraı