Aýa raıy
Astana -4 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

«Egemen Qazaqstan» Project Syndicate jobasy maqalalaryn jarııalaý quqyǵyn ıelendi

2020 jyldyń 25 qyrkúıek 2020 09:22

NUR-SULTAN. QazAqparat - Ǵasyrmen úndesken «Egemen Qazaqstan» basylymy Aq­parat jáne qoǵamdyq damý mınıstr­liginiń qoldaýymen álemdegi mańyzdy da ózekti taqyryptar jóninde biregeı kontent ázirleıtin Project Syndicate jobasy maqalalaryn jarııalaýdyń eksklıýzıvti quqyǵyn ıelendi, dep habarlaıdy QazAqparat.

«Project Syndicate avtorlarynyń qatarynda álemdik deńgeıdegi saıa­satkerler, ǵalymdar, zertteýshiler, bıznesmender, 45 Nobel syıly­ǵynyń laýreaty, 111 memleket basshysy bar. Joba materıaldary álemniń 150 elindegi 500-den astam buqaralyq aqparat quraldarynda jarııalanady.

Project Syndicate-te jaryq kór­gen kolýmnıster men sarap­shylardyń eń tańdaýly maqalalary men pikirlerin, sa­raptamalary men sholýlaryn qalyń oqyr­manǵa qazaq tilinde usynatyn bola­myz. Bul qadam elimizdegi medıa ke­ńis­tiktiń aıasyn keńeıtip, jurtshylyqtyń sapaly aqparat kózderine degen qol­jetimdiligin arttyra túsetini sózsiz.

Gazettiń búgin qoldaryńyzǵa tıgen sanyndaǵy arnaýly bette maqa­la­lardyń alǵashqy legi jarııalanyp otyr, dep jazady basylym.

Ulybrıtanııanyń 1997-2007 jyl­dardaǵy premer-mınıstri Tonı Blerdiń Afrıkadaǵy aýyl sharýashylyǵyna arnalǵan maqalasynda álemdegi azyq-túlik tap­shylyǵyn boldyrmas úshin «qara qur­lyqtaǵy» osy salany damy­tý­dyń mańyzy týraly aıtylady. Atal­ǵan maqala Memleket basshysy Qasym-Jomart Toqaevtyń bıylǵy Jol­daýynda aıtylǵan aýyl sha­rýashylyǵyn damytý máselesimen úndesedi. Al koronavırýspen kúres jónindegi jarııalanymda álemdi dúr silkintken indetpen tıimdi kúres tásilderi sóz bolady», - dep jazady basylym.

Osy taqyrypqa arnalǵan maqalalardy myna siltemeden oqýǵa bolady.


Basty sózder: BAQ,
Joǵary qaraı