Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eki adamdy qaǵyp óltirgen 90 jastaǵy eks-sheneýnikke taǵaıyndalǵan túrme jazasy aıaqtaldy

2021 jyldyń 17 qyrkúıek 2021 19:10

TOKIO. Kyodo-QazAqparat – 2019 jyly Tokıoda adam ólimimen aıaqtalǵan jol apaty úshin sottalǵan 90 jastaǵy burynǵy joǵary shendi sheneýniktiń bes jyldyq túrme jazasy juma kúni aıaqtaldy, dep habarlaıdy QazAqparat Kyodo agenttigine silteme jasap.

Sot úkimi boıynsha, 2019 jylǵy 19 sáýirdeTokıodaǵy Ikebýkýro aýdanynda Kodzo Iıdzýkanyń tejegishti gaz pedalimen shatastyryp alyp, baǵdarshamnyń qyzyl túsine ótip ketip, jaıaý júrginshiler ótkelinde velosıpedpen kele jatqan 31 jastaǵy Maný Matsýnagý men onyń 3 jasar qyzy Rıkony qaǵyp óltirgen. Oqıǵa saldarynan taǵy toǵyz adam jaraqat aldy.

Endi prokýratýra ózdiginen júre almaıtyn, múgedekter arbasyna tańylǵan Iıdzýkanyń jasy men densaýlyq jaǵdaıyn eskere otyryp, temir tordyń ar jaǵynda ýaqyt ótkizetinin-ótkizbeıtinin zertteıdi.

Japonııanyń Qylmystyq is júrgizý zańy 70 jastan asqan sottalǵandarǵa, sondaı -aq densaýlyǵyna eleýli zııan keltirý nemese ólim qaýpimen betpe -bet kelgenderge jazany toqtata turýǵa múmkindik beredi.

Iızýka oǵan taǵylǵan aıyp boıynsha kinásin moıyndaǵan joq. Ol kólik quralyndaǵy mehanıkalyq problemaǵa baılanysty kólikti basqara almaı qalǵanyn málim etken.

Alaıda, sot onyń gaz pedalin tejegish dep shatastyryp, ony shamamen 10 sekýnd basyp turǵanyn, saldarynan kóliktiń jyldamdyǵy 96 km/saǵ-qa jetkenin anyqtady. Ol ólimge ákelgen jol apaty úshin kináli dep tanyldy.

Sondaı-aq sot Iıdzýkanyń jasyn eskere otyryp, bes jylǵa bas bostandyǵynan aıyrýǵa sheshim qabyldaǵan bolatyn.

Basty sózder: Kólik, Túrme, Oqıǵa, Japonııa,
Joǵary qaraı