Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eki aqtóbelik tyıym salynǵan aýdıojazbalardy saqtaǵany úshin jazalandy

2021 jyldyń 24 tamyz 2021 14:43

AQTÓBE. QazAqparat – Aqtóbede polıtsııa qyzmetkerleri «VKontakte» áleýmettik jelisine monıtorıng júrgizip, tyıym salynǵan aýdıojazbalardy saqtaǵan eki aqtóbelikti anyqtady, dep habarlaıdy QazAqparat tilshisi.

Aqtóbe qalasynyń 28 jastaǵy eki turǵyny destrýktıvti sıpattaǵy aýdıojazbany saqtaǵan. Dinı saraptama nátıjeleri boıynsha aýdıojazba mazmuny Qazaqstan Respýblıkasynyń aýmaǵynda tyıym salynǵany anyqtaldy.

«Sot sheshimimen eki aqtóbelik QR ÁQBtK-niń 453-babynyń 1-bóligi boıynsha ákimshilik jaýapqa tartylyp, buqaralyq aqparat quralynda jarııalanǵan ónimi tárkilenip, árqaısysy 58 340 teńge mólsherinde ákimshilik aıyppul túrindegi jazaǵa tartyldy. Aqtóbe oblysynyń polıtsııa departamenti Qazaqstan Respýblıkasynyń konstıtýtsııalyq qurylysyn kúshtep ózgertýdi, onyń tutastyǵyn buzýdy, memleket qaýipsizdigine nuqsan keltirýdi, soǵysty, áleýmettik, násildik, ulttyq, dinı, tektik-toptyq jáne rýlyq arazdyqty qozdyrýdy, qatygezdik pen zorlyq-zombylyqqa bas urýdy nasıhattaýǵa nemese úgitteýge baǵyttalǵan málimetter men materıaldary bar buqaralyq aqparat quraldarynyń ónimin daıyndaýǵa, saqtaýǵa, ákelýge, tasymaldaýǵa, taratýǵa tyıym salynatynyn eske salady», - dedi oblystyq PD baspasóz qyzmetiniń jetekshisi Erbolat Sarqulov.


Joǵary qaraı