Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eki júzden astam aqmolalyq oqýshy respýblıkalyq olımpıadaǵa qatysýda

2021 jyldyń 8 mamyr 2021 16:11

KÓKShETAÝ. QazAqparat - Jyl saıyn elimizde aýyldyq eldi mekenderinde turatyn qabiletti oqýshylardy qoldaý jáne olarǵa arnaıy oqytý baǵdarlamalaryn uıymdastyrý arqyly áleýmettik lıft berý úshin «Myń bala» ulttyq olımpıadasy ótkizilip keledi, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Bul joba óz qurdastarymen sátti básekelese otyryp, elimizdiń úzdik mektepterinde bilim alýǵa múmkindik berý úshin aýyldyq jerlerden kelgen 5 jáne 6 synyptardyń 1000 eń qabiletti oqýshylaryn anyqtaýǵa arnalǵan.

Bıyl aqpan-naýryz aılarynda Ulttyq olımpıadaǵa qatysý úshin ótinimder qabyldandy. Aqmola oblysynan 7163 ótinim kelip tústi, onyń 6486-y logıkalyq jáne keńistiktik oılaýdy baǵalaý testileýine jiberildi. Birinshi kezeńniń qorytyndysy boıynsha óńirdiń 248 oqýshysy ótti. Solardyń biri Zerendi aýdanyndaǵy Barataı negizgi mektebiniń oqýshysy Abaı Joldybaev boldy. Jarysqa qatysýshy «Bilim ınnovatsııa» lıtseıine túsýdi armandaıdy.

«Ótken jyly «Myń bala» ekinshi týryna qatysyp, gramota men noýtbýk aldym. Búgin men ekinshi týrǵa da qatysamyn», - dep bólisti oqýshy.

Jaqynda barlyq sanıtarlyq-epıdemıologııalyq talaptardy saqtaı otyryp, «U-Study» óńirlik testileý ortalyqtarynyń bazasynda oflaın rejımde ekinshi kezeń ótti. Fınalǵa shyqqandar matematıkalyq saýattylyq, qazaq tilinde bilim alýshylar úshin qazaq tili, orys tilinde bilim alýshylar úshin orys tili, aǵylshyn tili jáne jaratylystaný ǵylymdary boıynsha akademııalyq bilimdi baǵalaýǵa kompıýterlik testileýden ótti.

Ótken jyly eki kezeńniń qorytyndysy boıynsha Aqmola oblysynan 83 jeńimpaz anyqtaldy. Olımpıada qorytyndysy boıynsha 17 oqýshy daryndy balalarǵa arnalǵan mamandandyrylǵan mektepterge oqýǵa qabyldandy, al barlyq jeńimpazdarǵa ári qaraı bilim alý jáne daǵdylardy damytý úshin «Birge Oqý» onlaın - mektebine tegin qoljetimdilik berildi.


Avtor Aslan Ospanov
Basty sózder: Aqmola oblysy, Bilim,
Joǵary qaraı