Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekibastuz halqyn sapaly sýmen qamtýǵa 23,7 mlrd teńge bólinedi

2021 jyldyń 21 qyrkúıek 2021 10:29

NUR-SULTAN. QazAqparat – Indýstrııa jáne ınfraqurylymdy damý mınıstrligi 2025 jylǵa deıin Ekibastuz shaharyn sýmen jabdyqtaý kórsetkishin 94 paıyzdan 100 paıyzǵa jetkizýdi josparlap otyr, dep habarlaıdy QazAqparat tilshisi.

Úkimet otyrysynda Indýstrııa jáne ınfraqurylymdyq damý mınıstri Beıbit Atamqulov osyndaı josparyn ortaǵa tastady.

«Ekibastuz qalasy boıynsha sýmen jabdyqtaý qyzmetterine qoljetimdilik deńgeıi - 94%. 2025 jyldyń qorytyndysy boıynsha qala halqy 100% sapaly sýmen qamtamasyz etiledi.

2021-2025 jyldarǵa arnalǵan keshendi jospar sheńberinde sýmen jabdyqtaý jáne sý burý jónindegi jobalardy iske asyrýǵa 23,7 mlrd teńge qarajat qajet. Onyń ishinde respýblıkalyq bıýdjet esebinen 19,3 mlrd teńge bólinedi.

Bólingen qarajat esebinen 104,7 shaqyrym sýmen jabdyqtaý jáne sý burý jelilerin salý jáne jańǵyrtý josparlanǵan. 481 jumys orny qurylady», - dedi mınıstr.

Mınıstrliktiń deregi boıynsha, 2025 jylǵa deıin bul baǵytta mynadaı jobalardy iske asyrý mindeti tur:

1. «Saryqamys jáne Zelenaıa Roa aýyldarynda sýmen jabdyqtaý júıeleriniń qurylysyn aıaqtaý» – respýblıkalyq bıýdjetten 77,6 mln teńge;

2. «Álkeı Marǵulan jáne Tórt-Qudyq aýyldaryn sýmen jabdyqtaý júıesin rekonstrýktsııalaý» – respýblıkalyq bıýdjetten 0,8 mlrd teńge;

3. «Dıametri 920 mm, 1020 mm, 10,6 km sý tartqyshty rekonstrýktsııalaýdy aıaqtaý» – respýblıkalyq bıýdjetten 0,4 mlrd teńge;

4. «48,7 km toǵyz magıstraldyq sý qubyryn rekonstrýktsııalaý» – respýblıkalyq bıýdjetten 8,3 mlrd teńge;

5. «Qalanyń shaǵyn aýdandarynda sýmen jabdyqtaý júıesin qaıta jańartý, 30,3 km» – respýblıkalyq bıýdjetten 0,8 mlrd teńge;

6. «№1 sorǵy stantsııasyn, 2 tazartý sý qubyry qurylystaryn rekonstrýktsııalaý» – respýblıkalyq bıýdjetten 1,9 mlrd teńge;

7. «Reagenttik sharýashylyq blogyn rekonstrýktsııalaý» – jobasyna respýblıkalyq bıýdjetten 1,3 mlrd teńge;

8. «Ońtústik jáne soltústik aýdandardyń káriz jelilerin salý» – respýblıkalyq bıýdjetten 1,9 mlrd teńge;

9. «M.Júsip kóshesi 4,9 km boıynsha kárizdik kollektordy tassyz tásilmen (sanatsııa ádisi) rekonstrýktsııalaý» – respýblıkalyq bıýdjetten 3,9 mlrd. teńge.


Joǵary qaraı