Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekibastuz qalasyn damytý baǵdarlamasy: Jańa elektr stansasy salynady

2021 jyldyń 21 qyrkúıek 2021 11:46

NUR-SULTAN. QazAqparat – Ekibastuzdaǵy ındýstrııalyq aımaqty elektr energııasymen qamtamasyz etý úshin jańa elektr stansasy salynady, dep habarlaıdy QazAqparat tilshisi.

Bul týraly Energetıka mınıstri Maǵzum Myrzaǵalıev Úkimet otyrysynda málim etti.

«Úshinshi joba týraly aıtatyn bolsaq, qýaty 500 kılovolt bolatyn jańa kishi stantsııa salý qarastyrylǵan. Ekibastuz qalasynyń ındýstrııalyq aımaǵyn elektrmen jabdyqtaý eki jańa elektr berý jelisin salý jolymen júzege asyrylatyn bolady. Jobany iske asyrýshy – «KEGOC» aktsıonerlik qoǵamy. Bul joba ındýstrııalyq aımaq tutynýshylaryn elektr energııasymen qamtamasyz etý maqsatynda iske asyrylýda. Jobanyń boljamdy quny shamamen 16 mlrd teńgeni quraıdy», - deıdi mınıstr.

Onyń sózine qaraǵanda, joba 2025 jyly aıaqtalýǵa tıis.

«Búgingi tańda «KEGOC» mekemesiniń tapsyrysymen tehnıkalyq-ekonomıkalyq negizdeme ázirleý boıynsha jumystar júrgizilýde. Jalpy negizdemeni 2022 jyldyń ekinshi toqsanynda aıaqtaý josparlanǵan», - dedi Energetıka mınıstri.


Joǵary qaraı