Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ekibastuzda muǵalimder alańǵa shyqqany úshin jumystan qýylǵan joq - basqarma

2022 jyldyń 19 qańtar 2022 09:53

EKІBASTUZ. QazAqpaarat - Pavlodar oblysynda 5-6 qańtardaǵy jappaı ereýilge qatysty delingen muǵalimder qýdalanyp jatqan joq. Bul jaıynda oblystyq bilim basqarmasynyń bastyǵy Dinıslam Bolathanuly málim etti, dep habarlaıdy QazAqparat.

Aıta keteıik, buǵan deıin jelide Ekibastuz qalasynda mıtıngige qatysqa muǵalimder sebepsiz jumystan qýyldy degen aqparat taraǵan bolatyn.

«Ekibastuzǵa baryp, mektep dırektorlarymen, bólim basshylyǵymen kezdesip qaıttym. Eń basty maqsat - «alańǵa shyqqany úshin jumystan qýyldy» degen eki jas muǵalimmen kezdesý boldy. 10 mekteptiń muǵalimi Qanat Seıitovpen kózbe kóz kezdestim. Mektep basshylyǵy tarapynan eshqandaı qýdalaý kórmegen. Jumystan shyǵarylmaǵan. Bilim bólimi men mektep basshylyǵy tarapynan qysym jasalynbaǵan. Aryz jazý talaby oǵan qoıylmaǵan! Ekinshi, 24 mekteptiń muǵalimi Oljas Janabılov boıynsha. Iá, mektep dırektorynyń buıryǵyna sáıkes jumystan bosatylǵan. Bul jerde tek eńbek qarym qatynasy. Alańǵa shyǵýdyń esh qatysy joq. Bul máselede de, muǵalimniń azamattyq pozıtsııasy, ishki oıy nemese bólek pikirde bolǵany ne bolmaǵany sııaqty eshbir sebep joq», - dep jazdy bilim basqarmasynyń bastyǵy Facebook paraqshasynda.




Biraq, jas mamannyń saǵyn syndyrmaı, eńbek etip, jalaqy alyp, otbasyna ıe bolyp, ári qaraı joǵary bilikti muǵalim retinde qalyptasýyna, ósýine jaǵdaı jasaıyq, qaraılasaıyq degen oımen áripester raıynan qaıtty. Oljas muǵalim retinde qaıta jumysyna kirisedi.

«Qadirli qaýym! Bul eki áriptestiń oqıǵasynan eshbir saıası astar ne adamdy qýdalaý sıpatyn izdeýdiń qajeti joq. Óıtkeni oǵan negiz joq. Barlyqtaryńyzǵa rahmet. Amandyq bolsyn» dep túıindedi sózin Dinıslam Bolathanuly.








Joǵary qaraı