Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekibastuzda órtengen páterden es-tússiz jatqan er adam tabyldy

2021 jyldyń 20 qyrkúıek 2021 09:21

EKІBASTUZ. QazAqparat - Ekibastuzda órt bolǵan páterden es-tússiz jatqan er adam tabyldy. Órttiń shyǵý sebebi men keltirilgen shyǵyn kólemi anyqtalýda, dep habarlaıdy QazAqparat Pavlodarnews.kz-ke silteme jasap.

Oblystyq TJD baspasóz qyzmetiniń málimetinshe, 19 qyrkúıekte 05 saǵat 11 mınýtta №2 mamandandyrylǵan órt sóndirý bóliminiń baılanys pýnktiniń pýltine Ekibastuz qalasy Baýyrjan Momyshuly kóshesi, 54 mekenjaıynda ornalasqan páterdiń órtenip jatqany týraly habarlama túsken.
- Shaqyrý ornyna № 4 MÓSB-2 kezekshi aýysym jiberildi. Barlaý barysynda janyp jatqan páterdi qalyń qara tútin basqany anyqtaldy. Azamattyq qorǵaý kapıtany Beksultan Talǵatov bastaǵan gaz-tútinniń qorǵaý qyzmetiniń býyny, páterdiń jatyn bólmesinen es-tússiz kúıde jatqan 1957 jyly týǵan er adamdy tapty. Beksultan Talǵat men Ádilet Sálimov ony dereý taza aýaǵa shyǵaryp, «103» qyzmetine tapsyrdy, - deıdi 2-MÓSB bastyǵynyń orynbasary azamattyq qorǵaý kapıtany Saǵadat Vahıtov.

№ 4 kezekshi aýysymnyń GTQQ býynynyń úılesimdi is-qımyly men naqty qoıylǵan mindettiń arqasynda órtten zardap shekkender bolmady.


Joǵary qaraı