Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekibastuzdy kómirge táýeldilikten aryltý jospary tanystyryldy

2021 jyldyń 21 qyrkúıek 2021 10:54

NUR-SULTAN. QazAqparat – Pavlodar oblysynyń ákimi Ábilqaıyr Sqaqov Úkimet otyrysynda Ekibastuz qalasynyń ekonomıkasyn ártaraptandyrý josparyn baıandady, dep habarlaıdy QazAqparat tilshisi.

«Keshendi jospardyń negizgi maqsaty – kómirge suranystyń azaıýy jaǵdaıynda qala ekonomıkasyn jan-jaqty ártaraptandyrý. Birinshiden, jeke ınvestorlar úshin ındýstrııalyq aımaq qurylady. Osyǵan áleýetti jobalar pýly da bar. Ekinshiden, jańa jáne jumys istep turǵan óndiristerdi qajetti qýattarmen qamtamasyz etý úshin 2 energııa blogyn salý kerek.

Úshinshiden, kómir óndirisin odan ári damytý úshin kómir hımııasy ǵylymı-zertteý ortalyǵyn qurý kózdelgen», - dedi aımaq basshysy.

Ákimniń aıtýyna qaraǵanda 2025 jylǵa deıingi keshendi jsoparda ındýstrııalyq aımaq qurý jáne iri ónerkásiptik jobalaryn iske asyrý kózdelgen. Sonyń arqasynda óńdeýshi ónerkásipte jumyspen qamtylǵandar sany 4 ese ósip, óndiris kólemi 1 trln teńgeden asýy kerek.


Joǵary qaraı