Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Ekinshi deńgeıli bankterde jeke derekter qalaı qorǵalǵan – Mınıstr jaýaby

2020 jyldyń 29 qazan 2020 13:35

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın ekinshi deńgeıli bankterdegi qazaqstandyqtardyń jeke derekteri qalaı qorǵalǵanyn aıtyp berdi, dep habarlaıdy QazAqparat tilshisi.

«Keshe Kaspi bankinde tehnıkalyq aqaýlar boldy. Ondaǵy jeke derekterdiń qoldy bolmaýyna memleket kepildik bere ala ma? Sol derekterdi bankter klıent tartýǵa paıdalanyp ketpeı me? Qaýipsizdik máselesi qalaı sheshilgen?», - dep suraq qoıdy tilshi Ortalyq kommýnıkatsııalar qyzmetinde ótken brıfıngte.

Mınıstr memlekettik qyzmet kórsetý barysynda alynǵan jeke derekterdi zańsyz paıdalanǵany úshin bankterdiń zańdy jaýapqa tartylatyny týraly kelisimderge qol qoıylǵanyn aıtty. Bul bankterdiń barlyǵy aqparattandyrýdyń asa mańyzdy nysandary bolyp sanalady. Barlyq mańyzdy nysandar aqparattandyrýǵa qoıylatyn biryńǵaı tehnıkalyq talaptardy saqtaýy tıis.

«Eger qandaı da bir JShS nemese kásiporyn jeke derekterdi teris paıdalaný kúdigine ilinse, Aqparattyq qaýipsizdik komıtetine shaǵymdanýǵa bolady. Biz sol orynǵa baryp, tekserý sharalaryn júrgizemiz. Kepildik boıynsha qazir birinshi kezeńde senimge ıe bolǵan ekinshi deńgeıdegi bankterdiń sany shekteýli, bul másele pysyqtalýda. Biz memlekettik qyzmettiń turǵyndarǵa barynsha yńǵaıly jerde kórsetilgenin qalaımyz, sondyqtan osy jolda bıznestiń qalyptasýyna múmkindik beremiz», - dedi Baǵdat Mýsın.


Joǵary qaraı