Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekinshi otandyq vaktsınanyń klınıkalyq zertteýi qalaı ótip jatyr

2021 jyldyń 10 qyrkúıek 2021 18:36

NUR-SULTAN. QazAqparat – Jambyl oblysy ákimdigi densaýlyq saqtaý basqarmasy basshysynyń orynbasary Hamıt Myrzaqasymov Taraz qalasyndaǵy kópbeıindi aýrýhanada ekinshi qazaqstandyq vaktsınanyń qalaı zerttelip jatqanyn aıtty, dep habarlaıdy QazAqparat tilshisi.

«Otandyq ekinshi sýbbirlikti vaktsına boıynsha aıtsaq, klınıkalyq synaqtyń birinshi kezeńinde zertteýden 44 adam ótti. Endi ekinshi kezeńge 200 adam jınaqtalyp jatyr. Qazirgi tańda 130 adam taldaýlardyń bárinen tekserilip, vaktsına salyndy. Qalǵan 70 adamdy zerttep jatyrmyz. Zertteýden durys ótken jaǵdaıda eriktilerge de vaktsına egemiz», - dedi basqarma ókili.

Onyń aıtýyna qaraǵanda, jańa vaktsınanyń klınıkalyq zertteýine eriktiler aýdandardan da tartylǵan.

«Basqa aýdandardan erikti adamdar ákelgenimiz ras. Qordaı jáne basqa aýdandardan keldi. Olar Tarazdaǵy kópbeıindi aýrýhananyń bazasynda ǵana tekseriledi. Sol bazanyń ózinde zerthana bar. Tekserýlerdiń bári sonda ótkiziledi. Ol 6 aıǵa deıin sozylady. Eriktilerdiń óz kelisimi boıynsha 6 aıdyń ishinde olar kestege sáıkes taldaý tapsyrýǵa jáne qadaǵalaýǵa kelip turady», - dedi Hamıt Myrzaqasymov.


Joǵary qaraı