Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ekinshi Respýblıkany birge quramyz - Prezıdent

2022 jyldyń 29 sáýir 2022 14:15

NUR-SULTAN. QazAqparat – Biz Ekinshi Respýblıkany birge quramyz, Jańa Qazaqstandy birge órkendetemiz. Bul týraly Qazaqstan halqy Assambleıasynyń kezekti otyz birinshi sessııasynda Prezıdent Qasym-Jomart Toqaev málim etti, dep habarlaıdy QazAqparat tilshisi.

«Elimizdi jan-jaqty jańǵyrtatyn aýqymdy reforma usyndym. Biz bolashaqqa senimmen qarap, qarqyndy damý jolymen júremiz. Maqsatymyz aıqyn, qadamymyz nyq. Eń bastysy, Otanymyzdy órkendetip, el ómirin ózgertýge bárimiz jumyla kirisemiz. Ortaq iske árbir azamat, búkil el atsalyssa ǵana naqty nátıjege qol jetkizemiz. Biz dıalog ornatý mádenıetin qalyptastyryp, qoǵamda ózara túsinistik pen senimdi nyǵaıtýymyz kerek. Munyń bári elimizdiń bolashaǵy jarqyn, halqymyzdyń ál-aýqaty jaqsy bolýy úshin qajet», - dedi Qasym-Jomart Toqaev.

Prezıdent elimizde ómir súrip jatqan barlyq etnos ókilderi jalpy azamattyq qundylyqtardy qoldap turǵany mańyzdy ekenin atap ótti. Bul óz kezeginde Táýelsizdik jyldaryndaǵy bizdiń úlken jetistigimiz jáne ony jan-jaqty nyǵaıtýǵa mindettimiz.

«Biz barlyq josparymyzdy mindetti túrde júzege asyramyz. Men buǵan kámil senemin. Biz Ekinshi Respýblıkany birge quramyz, Jańa Qazaqstandy birge órkendetemiz! Ár azamatqa birdeı múmkindik beretin ádil ári damyǵan memleket bolamyz! Sóz sońynda sizderdi alda kele jatqan Qazaqstan halqynyń birligi kúnimen jáne Oraza aıt merekesimen quttyqtaımyn», - dedi Memleket basshysy.

Osyǵan deıin QR Prezıdenti tóraǵalyǵymen Qazaqstan halqy Assambleıasynyń HHHІ sessııasy ashylǵanyn jazdyq.

Memleket basshysy Assambleıa Senat depýtattyǵyna kandıdattardy irikteýdiń tıimdi ári ashyq rásimin ázirleýi kerek ekenin aıtty.



Joǵary qaraı