Aýa raıy
Astana -14 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Ekologııa: 50 iri kásiporyndy ozyq tehnologııalarǵa aýystyrý kózdelýde

2020 jyldyń 28 qazan 2020 10:38

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Maǵzum Myrzaǵalıev májilismender aldynda Ekologııalyq kodeksiniń jobasyn qorǵady, dep habarlaıdy QazAqparat tilshisi.

««Lastaýshy tóleıdi» qaǵıdatynyń negizine lastanýdy boldyrmaý men baqylaý boıynsha sharalar jatady. Sonymen qatar qorshaǵan ortaǵa tıgen zalaldy qalpyna keltirýge qatysty jaýapkershilik qarastyrylǵan. Osylaısha memleket tabıǵat paıdalanýshylarǵa ekologııalyq aıyppul tóleýdiń ornyna qorshaǵan ortaǵa teris áserdi boldyrmaý jónindegi barlyq sharalardy qabyldaý tıimdirek bolatyndaı jaǵdaı jasaýy tıis. Budan basqa ekologııalyq zalal oryn alǵan jaǵdaıda tabıǵat paıdalanýshy qorshaǵan ortany bastapqy qalpyna keltirýge mindetti», - dedi Maǵzum Myrzaǵalıev Parlament Májilistiń jalpy otyrysynda.

Onyń aıtýynsha, eń ozyq qoljetimdi tehnologııalardy engizý shartymen birinshi sanattaǵy nysandar úshin keshendi ekologııalyq ruqsattarǵa kóshýi tıis. Sondaı-aq jańadan iske qosylatyn kásiporyndar úshin keshendi ekologııalyq ruqsattar alý mindettiligi qarastyryldy.

«Eń ozyq qoljetimdi tehnologııalardy engizýdiń arqasynda elimizdegi ekologııalyh ahýal jaqsarady. Birinshi kezeńde munaı-gaz, taý-ken metallýrgııasy, hımııa jáne elektr energetıkasy salalaryna qatysty 50 iri kásiporyndy eń ozyq qoljetimdi tehnologııalarǵa aýystyrý josparlanǵan. Aıta keterligi, osy 50 kásiporynǵa jalpy lastanýdyń seksen 80 paıyzy tıesili. Kodekstiń jobasynda birinshi sanattaǵy iri kásiporyndarǵa qatysty qorshaǵan ortaǵa áserdi baǵalaýdy (OVOS) júrgizý týraly talap qarastyryldy. Olardyń tizbesi qaıta qaralyp, negizinen ekologııalyq qaýipti nysandarǵa basa nazar aýdarylatyn bolady», - dedi ol.


Avtor Aıan Bekenuly
Basty sózder: Parlament, Ekologııa, Ónerkásip,
Joǵary qaraı