Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekologııa mınıstri shyǵaryndylardy tómendetý is-sharalaryn atady

2021 jyldyń 2 qyrkúıek 2021 11:16

NUR-SULTAN. QazAqparat – Shyǵaryndylardy tómendetý úshin qoǵamdyq jáne kommýnaldyq kólikti gaz jáne elektr kóligine aýystyrý kerek. Bul týraly Úkimet otyrysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Osy jyly ekologııalyq monıtorıngtiń nátıjesi boıynsha Temirtaý, Nur-Sultan, Almaty, Aqtóbe, Atyraý, Óskemen, Qaraǵandy, Balqash, Jezkazǵan, Shymkent qalalary atmosferalyq aýanyń joǵary lastanýymen sıpattalyp otyr. Shyǵaryndylardy tómendetý úshin kelesideı is-sharalar qarastyrylyp otyr. Birinshi, Ekologııalyq kodekske sáıkes kásiporyndar eń úzdik qoljetimdi tehnologııalardy engizedi», - dedi ol.

Mınıstrdiń atap ótýinshe, ekinshiden, sınıstrlik pen kásiporyndardyń arasynda memorandýmdar men jol kartalaryna qol qoıyldy. Olarǵa sáıkes kásiporyndar shyǵaryndylardy 20 paıyzdan 30 paıyzǵa deıin qysqartýdy josparlap otyr.

«Úshinshi, mınıstrliktiń Ekologııalyq retteý jáne baqylaý komıteti 10 qaladaǵy birinshi sanattaǵy kásiporyndar úshin 2025 jylǵa qaraı shyǵaryndylar lımıtin 20 paıyzdan kem emes kórsetkishke tómendetetin bolady. Oblys ákimdikteri osyndaı jumysty ekinshi jáne úshinshi sanattaǵy kásiporyndar úshin ótkizýi tıis. Budan ári aıtsaq, shyǵaryndylardy azaıtý maqsatynda ákimdikter eldi mekender men sharýashylyq sýbektilerin gazdandyrýdy jalǵastyrý qajet. Sonymen qatar, qoǵamdyq jáne kommýnaldyq kólikti gaz jáne elektr kóligine aýystyrý jumysyn odan ári júzege asyrý kerek», - dedi Maǵzum Myrzaǵalıev.


Joǵary qaraı