Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ekologııa mınıstrligi ArselorMıttal Temirtaýǵa qatysty jospardan tys tekserý júrgizedi

2021 jyldyń 20 aqpan 2021 15:19

NUR-SULTAN. QazAqparat - QR Ekologııa, geologııa jáne tabıǵı resýrstar mınıstrligi «ArselorMıttal Temirtaý» AQ-ǵa qatysty jospardan tys tekserý júrgizedi, dep habarlaıdy QazAqparat atalmysh vedomostvonyń baspasóz qyzmetine silteme jasap.

Tekserý sebebi Qaraǵandy oblysy boıynsha ekologııa departamentiniń atmosferaǵa lastaýshy zattar shyǵaryndylarynyń ruqsat etilgen normalarynan asyp ketý faktisi tirkelgendigimen baılanysty.

Sonymen, 19 aqpanda, saǵat 16: 30-da, úrleý kezinde gazdy tazartatyn alǵashqy skrýbberdiń qabyrǵalaryna jabysqan shań N 2 konverterge qulady. Balqý dereý toqtatyldy.

Ekologııa mınıstrligi azamattardyń aımaqtaǵy ekologııalyq ahýalǵa qatysty alańdaýshylyǵymen bólisetindigin de habarlaımyz. Sondyqtan, osyndaı faktilerge qatysty jedel sharalar qabyldanatyn bolady.

Ashyqtyq jáne beıtaraptylyq qaǵıdattaryna negizdelgen tekserý qorytyndylary boıynsha,
Ekologııa mınıstrligi baspasóz máslıhatyn ótkizýdi josparlap otyr.

Jańa ekologııalyq kodekske sáıkes iri kásiporyndar eń ozyq qoljetimdi tehnologııalardy (OQT), ıaǵnı búgingi kúni shyǵaryndylar deńgeıin barynsha tómendetý úshin zamanaýı súzgilerdi engizýi tıis. Bul talap zańmen bekitilgen jáne bıyl kúshine enedi.

Sonymen qatar, 2019 jyldyń qazan aıynda Ekologııa mınıstrligi atalǵan kompanııamen 2023 jylǵa deıin shyǵaryndylardy 30% - ǵa tómendetý týraly Memorandýmǵa qol qoıǵanyn habarlaımyz. Óńir turǵyndarynyń qatysýymen ótken sońǵy kezdesý kezinde mınıstr Maǵzum Myrzaǵalıev ArselorMıttal Temirtaý basshylyǵynan sáýirde shyǵaryndylardy naqty josparmen jáne sandarmen azaıtý jónindegi strategııanyń tusaýkeserin ótkizýdi talap etti.


Joǵary qaraı