Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekologııa «Nur Otan»-nyń basym baǵyttarynyń birine aınalýy kerek - Elbasy

2021 jyldyń 23 qarasha 2021 19:54

NUR-SULTAN. QazAqparat – «Nur Otan» partııasy Saıası keńesiniń keńeıtilgen otyrysynda Elbasy Nursultan Nazarbaev bıylǵy qýańshylyqtyń zardaptaryna toqtaldy, dep habarlaıdy QazAqparat tilshisi.

«BUU boljamy boıynsha, klımattyń ózgerýi adamzat úshin jańa syn-qater bolmaq. Sol sebepti bıyl azyq-túliktiń álemegi baǵasy 30% ósti. Bul keıingi 10 jyldaǵy rekordtyq kórsetkish. Aptap ystyq elimizde maldyń qyrylýyna, jemshóp tapshylyǵyna, egin shyǵymynyń tómendeýine ákeldi. Qazaqstan úshin sý resýrstarynyń sarqylýy ózekti másele. Jalpy ekologııa máselesi «Nur Otan» partııasy men elimizdiń basym baǵyttaǵy máselesiniń birine aınalýy kerek dep esepteımin», - dedi Nursultan Nazarbaev.

Sondaı-aq, ol kómirtegi beıtaraptyǵy máselesine de toqtaldy.

«Álem qaýymdastyǵy 2050 jylǵa qaraı kómirtegi beıtaraptyǵyna qol jetkizýge nıetti. Qazirdiń ózinde óndiriste jańa ekologııalyq standarttar engizilip, salyq túsimderi azaıa bastady. 2030 jylǵa qaraı 190 el kómirden tolyq bas tartýdy josparlap otyr. «Ekologııalyq las» ónim básekege qabiletsiz bola túsýde. Munyń bári ekonomıkamyzdyń qurylymyn ózgertýdi, oǵan ınvestıtsııa tartýdy qajet etedi. Biz energııa óndirisine qazba otyndy eń kóp paıdalanatyn elderdiń birimiz. Kómirsýtek ústemdik qurǵan dáýir birtindep aıaqtalyp keledi. Onyń ornyna jasyl energııanyń dáýiri ornaıdy. Mundaı jaǵdaıda Qazaqstannyń damýy ınnovatsııalardyń damýymen, tsıfrlandyrý deńgeıimen, jańa tehnologııalarǵa qol jetkizýmen, adamı kapıtaldyń sapasymen aıqyndalady», - dedi Elbasy.


Joǵary qaraı