Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ekpindi jel, burqasyn: 22 qańtar kúngi aýa raıy boljamy

2021 jyldyń 22 qańtar 2021 02:06

NUR-SULTAN. QazAqparat – 22 qańtar kúni respýblıkanyń basym bóliginde qar jaýady. Shyǵys jáne ortalyqta qar qatty jaýatyny kútiledi. Eldiń ońtústigi men ońtústik-shyǵysynda jańbyr men qar túrinde jaýyn-shashyn boljanady. Respýblıkanyń keı jerlerinde tuman, kóktaıǵaq, jaıaý burqasyn, ekpindi jel saqtalady. Ońtústik, ońtústik-shyǵysta jeldiń jyldamdyǵy 30 m/s jáne odan asýy yqtımal, dep habarlaıdy QazAqparat.

«Qazgıdromet» RMK málimetine sáıkes, Jambyl, Túrkistan oblystarynyń keı jerlerinde tuman, burqasyn, kóktaıǵaq bolady. Jeldiń ekpini 23-28 m/s, jekelegen aýdandarda 30 m/s jáne odan joǵary bolýy múmkin.

Shyǵys Qazaqstan oblysynyń keı jerlerinde burqasyn, tuman, kóktaıǵaq kútiledi. Jeldiń kúshi 23-28 m/s, jekelegen aýdandarda 30 m/s jáne odan joǵary kúsheıýi yqtımal.

Qaraǵandy oblysynyń keı jerlerinde jaıaý burqasyn, tuman bolady. Jeldiń ekpini 25 m/s artady.

Almaty oblysynyń keı jerlerinde tuman, kóktaıǵaq, kúndiz jeldiń kúshi 25 m/s jetýi yqtımal.

Aqmola, Qostanaı, Qyzylorda oblystarynyń keı jerlerinde jaıaý burqasyn, tuman bolady. Qyzylorda, kúndiz Aqmola oblystarynyń keı jerlerinde jel 15-20 m/s kúsheıedi.

Soltústik Qazaqstan, Pavlodar, Batys Qazaqstan, Atyraý oblystarynyń keı jerlerinde tuman boljanady. Atyraý oblysynda kúndiz keı jerlerde kóktaıǵaq, Pavlodar oblysynda kúndiz keı jerlerde jaıaý burqasyn, jel 15-20 m/s kúsheıedi.


Basty sózder: Qazgıdromet, Aýa raıy,
Joǵary qaraı