Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

EQYU sarapshysy: Pandemııa kezinde keıbir zańdar asyǵys qabyldanyp jatty

2021 jyldyń 8 qazan 2021 19:02

NUR-SULTAN. QazAqparat – Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jáne adam quqyqtary bıýrosynyń sarapshysy Ola Kýarnstorm pandemııa kezinde zań qalaı qabyldanýy kerektigi týraly pikir bildirdi, dep habarlaıdy QazAqparat tilshisi.

«Pandemııa kezinde kóptegen elder sot tóreligin onlaın rejımge jiberip, pikirtalastyń bárin onlaın rejımde tyńdaý týraly sheshim qabyldady. Bul kóp jaǵdaıda naqty quqyqtyq negizdemesiz jáne saldaryn baǵalaýsyz engizildi. Jalpy onlaın quraldardy paıdalaný EQYU-ǵa múshe elderdiń kóbine óte paıdaly bolǵanyn este saqtaýymyz kerek. Sonymen qatar, onlaın rejımdi sot otyrystarynda paıdalaný minsiz sheshim emes ekenin umytpaý kerek», - degen Ola Kýarnstorm, onlaın protsester ásirese advokattardyń áreketin qatty shektegenin atady.

«Keıde advokattar karantınge baılanysty shekteýlerge tap bolyp, klıentterimen kezdese almaı jatty. Klıent pen advokattyń beınebaılanys sóılesýi olardyń áńgimesiniń qupııa saqtalýyna qaýip tóndirdi», - dedi sarapshy.

Sondaı-aq, ol pandemııa kezinde qabyldanǵan zańdardyń tym asyǵys kúshine engenin de atady.

«Keıbir jańa zańdar asyǵys qabyldanyp jatty. Sondyqtan qarapaıym azamattar ol protsesterden habarsyz boldy. Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jáne adam quqyqtary bıýrosy pandemııa kezinde zańnyń ózektiligin qamtamasyz etý úshin jańa zańdardy muqııat taldaýdan keıin ǵana engizýdi usynady», - dedi Ola Kýarnstorm onlaın otyrys barysynda.

Shara Nur-Sultandaǵy EQYU baǵdarlamalar ofısi, Qazaqstan Respýblıkasynyń Joǵarǵy soty jáne Quqyqtyq saıasatty zertteý ortalyǵynyń uıymdastyrýymen ótti.


Joǵary qaraı