Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

El aýmaǵynan avtomobılmen benzın áketýge salynǵan tyıym taǵy 6 aıǵa uzartylýy múmkin

2021 jyldyń 14 qyrkúıek 2021 12:20

NUR-SULTAN. QazAqparat – Qazaqstan aýmaǵynan benzındi, dızel otyny men munaı ónimderiniń jekelegen túrlerin avtomobılmen áketýge salynǵan 6 aılyq tyıym taǵy jarty jylǵa uzartylýy múmkin, dep habarlaıdy QazAqparat tilshisi.

Bul týraly Úkimet otyrysynda Energetıka mınıstri Maǵzum Myrzaǵalıev málim etti.

«Bıylǵy 8 aıdyń qorytyndysy boıynsha 8,3 mln tonnadan astam munaı ónimderi óndirildi. Bul kórsetkish jospardan asyp tur. ıAǵnı, 102 paıyzǵa teń. Atap aıtsaq, atvobenzın 4 paıyzǵa artyq. Dızel otyny osy jylǵy jospardyń 98 paıyzyna teń. Іshki naryqty dızel otynymen turaqty qamtamasyz etý úshin Pavlodar munaı-hımııa zaýytyndaǵy jóndeý jumystarynyń merzimin aýystyrý nemese qysqartý máselesi qazir pysyqtalýda. Buǵan qosa benzındi, dızel otyny men munaı ónimderiniń jekelegen túrlerin Qazaqstan aýmaǵynan avtomobılmen áketýge 6 aı merzimge tyıym salýdy kózdeıtin buıryqty taǵy jarty jylǵa sozý máselesi pysyqtalýda», - dedi mınıstr.

Sondaı-aq, ol gaz eksportynyń tómendeýine sebep bolǵan jaıttarǵa toqtaldy.

«Eki basty sebep bar. Ol – ishki qajettilikterdiń ósýi jáne iri jer qoınaýyn paıdalanýshylar tarapynan óndirilgen taýarlyq gaz kóleminiń azaıýy», - dedi Maǵzum Myrzaǵalıev.


Joǵary qaraı