Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

El Úmiti: Almatyda 200-den astam oqýshy Elbasy medaline ıe boldy

2021 jyldyń 28 qyrkúıek 2021 16:53

ALMATY. QazAqparat - Almatyda 200-den astam oqýshy arnaıy «Elbasy medaline» ıe boldy, dep habarlaıdy QazAqparat tilshisi.

Almaty qalasynda jyl saıyn ártúrli festıvalder men jarystarǵa qatysatyn daryndy oqýshylardy anyqtaý jáne damytý boıynsha keshendi jumys júrgizilýde.

Osy oraıda Qazaqstan Respýblıkasynyń Tuńǵysh Prezıdenti-Elbasy Nursultan Nazarbaev usynǵan jas talanttar men kóshbasshylardy qoldaý jáne damytý jónindegi «El Úmiti» bastamasyn iske asyrýǵa erekshe nazar aýdarylady.

Almaty qalasy bilim basqarmasynyń málimetinshe, ótken oqý jylynda osy bastama aıasynda Almatyda 200-den astam oqýshy arnaıy «Elbasy medaline» ıe boldy.

Osy rette «El Úmiti» bastamasyn júzege asyrýǵa qoldaý kórsetkeni úshin «Elbasy akademııasy» korporatıvti qory basshysynyń orynbasary Ánýar Janǵozın Almaty qalasy bilim basqarmasynyń basshysy Lázzat Jylqybaevaǵa Nursultan Nazarbaev qorynyń Alǵys hatyn tabystady.

Qalada balalarǵa qoldaý kórsetý sharalary jalǵasyp jatyr.


Joǵary qaraı